Na vybarach meraŭ Stambuła, Ankary i Iźmira, pa papiarednich padlikach hałasoŭ, pieramahajuć apazicyjnyja kandydaty.
Kandydaty ad apazicyjnaj Narodna-respublikanskaj partyi (NRP) lidzirujuć na vybarach meraŭ u klučavych haradach Turcyi, uklučajučy Stambuł, Ankaru i Iźmir. Pra heta paviedamlajuć ŚMI sa spasyłkaj na papiarednija vyniki hałasavańnia, jakoje prajšło ŭ niadzielu, 31 sakavika.
Mer Stambuła, jaki ŭvachodzić u apazicyju, Ekrem Imamahłu nabiraje 51,09% hałasoŭ paśla padliku 99,98% biuleteniaŭ. Na druhim miescy kandydat ad kirujučaj Partyi spraviadlivaści i raźvićcia (PSR) Murat Kurum z 39,6%.
U Ankary taksama lidziruje dziejny mer, apazicyjanier Mansur Javaš, u jaho 60,35% hałasoŭ paśla apracoŭki 99,93% biuleteniaŭ. Jaho asnoŭny supiernik, pradstaŭnik PSR Turhut Ałtynak nabiraje 31,7 pracenta.
Na vybarach u Iźmiry paśla apracoŭki 99,7% biuleteniaŭ pieršaje miesca zajmaje pradstaŭnik apazicyi Džemil Tuhaj z 48,9%. U vypadku pieramohi jon źmienić na pasadzie mera horada svajho adnapartyjca. Kandydat ad PSR Chamza Dah nabiraje 37,07% hałasoŭ.
Kandydaty ad NRP, da jakoj naležać Imamahłu, Javaš i Tuhaj, papiarednie, lidzirujuć bolš jak u 20 pravincyjach pa krainie. Jaŭka vybarščykaŭ na municypalnych vybarach u Turcyi skłała 78,4 pracenta.
Niahledziačy na toje, što municypalnyja vybary ŭ bolšaści krain redka akazvajuć upłyŭ na ŭnutrypalityčnyja pracesy, vynik bitvy za Ankaru i asabliva Stambuł budzie mieć vyrašalnaje značeńnie dla budučyni ŭsioj Turcyi.
Palityčnaja karjera samoha prezidenta krainy Redžepa Taipa Erdahana pačałasia ź jaho abrańnia meram hetaha horada ŭ 1994 hodzie, i ŭ 2019-m palityk kazaŭ: «Toj, chto vyjhraje Stambuł, vyjhraje ŭsiu Turcyju».
Redžep Taip Erdahan zajaviŭ, što jaho Partyja spraviadlivaści i raźvićcia nie atrymała na municypalnych vybarach u Turcyi taho vyniku, na jaki spadziavałasia. Erdahan paabiacaŭ «nie hrebavać rašeńniem naroda», a taksama pryniać nieabchodnyja miery ŭ rehijonach, dzie partyja prajhrała.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary