Rasijskaja kampanija sprabuje spahnać ź Biełarusi hrošy za zryŭ madernizacyi zavoda
Ministerstva justycyi Biełarusi pryznačanaje adkaznym za arbitražny razbor z rasijskim AT «Hrand Ekspres». Rasijskaja kampanija sprabuje spahnać ź biełaruskich uładaŭ 234 młn dalaraŭ za zryŭ madernizacyi Asipovickaha vahonabudaŭničaha zavoda, paviedamlaje Reform.by.
«Vyznačyć Ministerstva justycyi dla pradstaŭleńnia intaresaŭ Respubliki Biełaruś u sudach Respubliki Biełaruś, sudach i arbitražach pa-za miežami Respubliki Biełaruś pa spravie, źviazanaj z arbitražnym razhladam niepubličnaha akcyjaniernaha tavarystva «Hrand Ekspres» (Rasijskaja Fiederacyja) u Mižnarodnym centry pa ŭrehulavańni sprečak i dać hetamu ministerstvu prava inicyjavać sudovyja i (abo) arbitražnyja razbory, ažyćciaŭlać inšyja nieabchodnyja dziejańni», — havorycca ŭ pastanovie ŭrada Biełarusi № 252 ad 4 krasavika 2024 hoda.
Dakumient apublikavany na Nacyjanalnym pravavym internet-partale 6 krasavika, jon nabyvaje siłu z dnia pryniaćcia.
Kanflikt AT «Hrand Ekspres» i biełaruskich uładaŭ sychodzić karaniami ŭ minułaje dziesiacihodździe. Rasijskaja kampanija vałodała 74% akcyj Asipovickaha vahonabudaŭničaha zavoda, astatniaja častka naležała Biełaruskaj čyhuncy. Płanavałasia, što budzie pabudavany novy zavod vytvorčaj mahutnaściu 2,5 tysiačy hruzavych vahonaŭ i 2 tysiačy tank-kantejnieraŭ u hod. Užo pabudavali karpusy, zakupili abstalavańnie, vahony pačali vyrablać, ale ŭ 2015 hodzie vytvorčaść spyniłasia. Biełaruskija ŭłady vyrašyli, što vinavaty rasijski inviestar, i adabrali zavod.
U 2018 hodzie «Hrand Ekspres» padała pazoŭ u Mižnarodny centr pa ŭrehulavańni inviestycyjnych sprečak (ICSID). Raźbiralnictva doŭžyłasia amal 6 hadoŭ i 25 studzienia 2024 hoda trybunał pryniaŭ rašeńnie: jon adchiliŭ pazoŭ rasijskaj kampanii «paśla taho, jak vyjaviŭ, što jana ŭdzielničała ŭ ašukanskaj schiemie».
Hučna adkryli ŭ 2013-m i abviaścili bankrutam u 2023-m. Karotkaja i krasamoŭnaja historyja Asipovickaha vahonabudaŭničaha zavoda
Były ŭładalnik soniečnaj elektrastancyi ŭ Mahiloŭskaj vobłaści padaŭ pazoŭ suprać Łukašenki i nie tolki
Jeŭrapiejski sud admoviŭsia zdymać sankcyi z terminała Kłajpiedskaha porta, jaki častkova naležyć «Biełaruśkaliju»
Ciapier čytajuć
«Była hałodnaj, uzimku akazałasia bieź ciopłych rečaŭ». Susiedki raskazvajuć pra pamierłuju eks-palitźniavolenuju Hannu Kandracienka1
Kamientary