U Rasii na žančynu napisali danos za fota ŭ žoŭtaj kurtcy na fonie siniaha nieba
Jana pažadała danosčyku znajści hramadska karysnaje chobi.
Žycharku rasijskaj Vałahodskaj vobłaści Antaninu Smolinu 3 krasavika naviedaŭ palicejski. Jon paviedamiŭ, što na žančynu napisali danos: nieviadomamu nie spadabałasia jaje fatahrafija ŭ žoŭtym puchaviku na fonie siniaha nieba.
U danosie paznačajecca, što takoje spałučeńnie koleraŭ vyklikaje asacyjacyju z «varožymi simvałami», heta značyć sa ściaham Ukrainy, paviedamlaje Baza.
Antanina napisała tłumačalnuju. U papiery žančyna adznačyła, što na koler nieba jana paŭpłyvać nijak nie moža, a hrošaj, kab mianiać vierchniuju vopratku ŭ zaležnaści ad hramadskaj acenki taho ci inšaha koleru, u jaje niama. Smolina raskazała, što palicejski pastaviŭsia da jaje spravy z razumieńniem.
Paźniej žančyna adšukała danosčyka ŭ sacsietkach — im akazaŭsia niejki Valeryj Mikałajevič. Žančyna pažadała mužčynu «pośpiechaŭ, zdaroŭja, dabrabytu i znajści hramadska karysnaje chobi, nie źviazanaje z doŭhim vykarystańniem hadžetaŭ, tamu što heta niehatyŭna adbivajecca na zdaroŭi čałavieka».
Kamientary