Hramadstva99

Spravu Franaka Viačorki nakiravali ŭ Viarchoŭny sud. Naličyli škody na 30 miljonaŭ rubloŭ

Jaho navat zavočna źmiaścili pad vartu.

Franak Viačorka. Fota: OSC

Hienprakuratura nakiravała ŭ Viarchoŭny sud dla vyznačeńnia padsudnaści kryminalnuju spravu ŭ dačynieńni da Franaka Viačorki, jakomu staviać u vinu «ździajśnieńnie šerahu złačynstvaŭ ekstremisckaj nakiravanaści», u tym liku suprać dziaržavy, paviedamlaje BiełTA.

Zhodna z materyjałami spravy, Viačorku inkryminavana toje, što jon u pieryjad, jaki papiaredničaje prezidenckim vybaram 2020 hoda, padčas, a taksama paśla ich praviadzieńnia «ździejśniŭ zmovu z metaj zachopu dziaržaŭnaj ułady niekanstytucyjnym šlacham, publična zaklikaŭ da zachopu dziaržaŭnaj ułady, aktu teraryzmu i inšych dziejańniaŭ, nakiravanych na pryčynieńnie škody nacyjanalnaj biaśpiecy Biełarusi, u tym liku prymianieńnie mier abmiežavalnaha charaktaru (sankcyj) u dačynieńni da krainy, jaje fizičnych i jurydyčnych asob».

Jamu ž inkryminavana raspaŭsiudžvańnie z vykarystańniem ŚMI i internetu materyjałaŭ z takimi zaklikami, u tym liku źviernutymi da zamiežnaj dziaržavy, zamiežnaj abo mižnarodnaj arhanizacyi, ab ździajśnieńni takich dziejańniaŭ.

Akramia taho, Franak Viačorka abvinavačvajecca ŭ arhanizacyi masavych biesparadkaŭ, jakija «supravadžalisia hvałtam nad asobaj, pahromami, padpałami i źniščeńniem majomaści, stvareńni ekstremisckaha farmiravańnia i kiraŭnictvie im, raspaŭsiudzie ŭ Internecie dla pryčynieńnia istotnaj škody dziaržaŭnym i hramadskim intaresam zahadzia iłžyvyja i dyskredytujučyja Biełaruś źviestki ab jaje palityčnym, ekanamičnym, sacyjalnym, vajennym i mižnarodnym stanoviščy, pravavym stanoviščy jaje hramadzian, a taksama dziejnaści dziaržaŭnych orhanaŭ, Uzbrojenych Sił, inšych vojskaŭ, voinskich farmiravańniaŭ i vajenizavanych arhanizacyj i inš»

Śćviaržajecca, što vystaŭlenaje Viačorku abvinavačvańnie abhruntavana najaŭnymi ŭ kryminalnaj spravie dokazami. «Miera strymańnia ŭ vyhladzie zaklučeńnia pad vartu prymieniena da jaho pravilna, padstaŭ dla jaje źmieny albo admieny nie majecca».

Nakiroŭvajučy kryminalnuju spravu ŭ sud, namieśnik hienprakurora pradjaviŭ da abvinavačanaha pazoŭ u intaresach dziaržavy ŭ asobie Ministerstva finansaŭ ab kampiensacyi majomasnaj škody ŭ sumie bolš za Br30,9 młn, naniesienaj «supraćpraŭnymi dziejańniami Viačorki».

Kamientary9

  • pojediem, krasotka, kataťsia, davno ja tiebia podžidał
    11.04.2024
    "što jon u pieryjad, jaki papiaredničaje prezidenckim vybaram 2020 hoda, padčas"
    a chto pamiataje (čas), kali franak złučyŭsia sa śvietaj?
  • Radyjohladač
    11.04.2024
    A Viečierko bojec! O niem v studienčieskoj sriedie chodili lehiendy! Kto iz vas zavistniki, chotia by priblizitielno, nanies takoj žie uščierb riežimu?
  • Uvotčinh doh
    11.04.2024
    Radyjohladač , jak łukabot nie maskiravaŭsia, a sutnaść jahonaja ŭsio roŭna vylezła

Zabojstva Nasrały: detali apieracyi i reakcyja śvietu15

Zabojstva Nasrały: detali apieracyi i reakcyja śvietu

Usie naviny →
Usie naviny

Urahan «Chielen» u ZŠA: zahinuli bolš za 40 čałaviek

Z kastryčnika novy pakiet sankcyj zapracuje napoŭnicu. Jak da hetaj daty rychtujucca biznes i hruzapieravozčyki?1

Biełarusa, zatrymanaha ŭ Čadzie, vyzvalać razam z rasijanami

Nikoł Pašynian zajaviŭ pra hatoŭnaść nieadkładna padpisać mirnuju damovu z Azierbajdžanam2

U Minsku skončyli pramyvańnie sietak paśla avaryi na vodapravodzie2

Vydaviectva «Januškievič» atrymała prestyžnuju amierykanskuju premiju1

Chočacie źnizić abo padvysić svaju ahresiŭnaść na 30%? Voś prosty sposab7

Prezident Sierbii praročyć Ukrainie karejski scenaryj1

KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy10

bolš čytanych navin
bolš łajkanych navin

Zabojstva Nasrały: detali apieracyi i reakcyja śvietu15

Zabojstva Nasrały: detali apieracyi i reakcyja śvietu

Hałoŭnaje
Usie naviny →