Abjadnanyja Arabskija Emiraty nakryli mahutnyja zalevy. Za noč u Dubai vypała 30 mm apadkaŭ. Čakajecca, što da kanca dnia hety lik vyraście da 150 mm.
U krainie abjaŭleny aranžavy ŭzrovień niebiaśpieki. Mižnarodny aeraport u Dubai surjozna padtopleny, uźlotna-pasadačnyja pałosy apynulisia pad vadoj. Rejsy masava zatrymlivajucca. U tym liku z zatrymkaj laciać samaloty ŭ Minsk.
U horadzie zatapiła «Dubaj-moł», šerah inšych budynkaŭ i navat adnu sa stancyj mietro. Vulicy pastupova pieratvarajucca ŭ reki. U Dubai nie abstalavanaja efiektyŭnaja drenažnaja sistema, pakolki takija daždžy ŭ hetym rehijonie — vialikaja redkaść.
Ułady AAE zaklikajuć žycharoŭ nie vychodzić na vulicy.
Kamientary