Žychary Słavakii sabrali bolš za dva miljony jeŭra na kuplu snaradaŭ dla Ukrainy
Jany zrabili heta paśla taho, jak ułady krainy admovilisia padtrymać inicyjatyvu Čechii pa zbory srodkaŭ i pošuku bojeprypasaŭ dla Kijeva
Sumu sabrali mienš čym za dvoje sutak. U kampanii, jakaja prachodzić pad łozunham «Kali ŭrad nie moža — zmožam my», uziali ŭdzieł bolš za 32 tysiačy čałaviek, piša Bi-bi-si.
Zbor srodkaŭ dapamoh zapuścić 99-hadovy Ota Šymko, jaki braŭ udzieł u słavackim paŭstańni suprać nacystaŭ u 1944 hodzie i pieražyŭ Chałakost.
Premjer-ministr Słavakii Robiert Fica pakul nijak nie kamientavaŭ pośpiech hetaj inicyjatyvy.
Ministr abarony krainy Robiert Kaliniak zajaviŭ, što Słavakija — demakratyčnaja kraina i jaje žychary mohuć rabić, što chočuć. Urad, pavodle jaho słoŭ, zamiest vajennaj dapamohi budzie pradastaŭlać Kijevu inšuju dapamohu, naprykład, z raźminiravańniem.
Partyja Robierta Fica «Kurs — sacyjalnaja demakratyja» pieramahła na parłamienckich vybarach, jakija prajšli ŭ Słavakii 30 vieraśnia 2023 hoda. Paśla hetaha ŭrad Słavakii zajaviŭ, što spyniaje adpraŭku vajennaj dapamohi Ukrainie.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary