Pryvatnik kupiŭ dźvie sielskija škoły za 83 rubli — ciapier vinien za ich bolš za sto tysiač dołaraŭ
Pra sudovyja pryhody aršanskaha pryvatnaha pradpryjemstva «Mora śviatła», jakoje zajmajecca skupkaj dziaržmajomaści i zdačaj jaho ŭ arendu, raskazvaje kanał «Vitiebsk, ja hulaju!».
U 2019 hodzie pradpryjemstva nabyło dvuchpaviarchovy cahlany budynak adnoj sielskaj škoły, a ŭ 2020-m hodzie — padobny budynak inšaj škoły.
Sumy pakupak byli simvaličnymi — 26,78 rubloŭ za adnu i 56,70 rubloŭ za inšuju. Ale, mabyć, popyt na budynki novamu ŭłaśniku znajści tak i nie ŭdałosia. Jon nie pačaŭ tam pradprymalnickaj dziejnaści.
Tamu były ŭłaśnik, a heta ŭpraŭleńnie pa adukacyi rajvykankama, vyrašyŭ skasavać ździełku i abaviazać pakupnika vypłacić niaŭstojku.
I tut hałoŭnaje. Niaŭstojku prakuror acaniŭ u 107 tysiač rubloŭ dla pieršaha budynka i 241 tysiaču rubloŭ dla druhoha.
26 sakavika Ekanamičny sud Viciebskaj vobłaści pastanaviŭ: vypłacić kala 350 tysiač rubloŭ niaŭstojki, dziaržpošlinu i viarnuć budynki.
Kamientary