Naftapierapracoŭčyja zavody mohuć spynicca, kali pastaŭki nafty nie adnoviacca ŭ raniejšym abjomie.
Naftapierapracoŭčyja zavody mohuć spynicca, kali pastaŭki nafty nie adnoviacca ŭ raniejšym abjomie.
«Pampavańnia syraviny ŭ kirunku Mazyra 24 studzienia nie było, a pastaŭka na Navapołacki NPZ za sutki skłała ŭsiaho 6 tysiač ton», — paviedamiła Reuters 25 studzienia krynica ŭ hetaj śfiery. Kali prapampoŭka syraviny ŭ bližejšy čas nie adnovicca ŭ poŭnym abjomie, pradpryjemstvy buduć vymušanyja pieravieści ŭstanoŭki na režym recyrkulacyi.
Pampavańnie rasiejskaj nafty ŭ napramku biełaruskich NPZ za pieršyja 24 dni studzienia 2010 hoda skłała kala 592 tysiač ton, u toj čas jak mielisia puścić bolš čym u 2 razy vialikšy abjom.
25 studzienia biełaruskaja delehacyja na čale ź pieršym vice-premjeram krainy Uładzimiram Siamaškam prybyła ŭ Maskvu dla abmierkavańnia ŭmoŭ pastavak nafty ŭ 2010 hodzie. Pieršy dzień pieramovaŭ nie prynios značnych vynikaŭ.
Zatoje 25 studzienia taksama prajšła infarmacyja ab tym, što Rasieja hatovaja dać Biełarusi kredyt dla apłaty rasiejskaj nafty ŭ 2010 hodzie. «Rasija hatovaja dać Biełarusi kredyt na sumu, ekvivalentnuju abjomu vyvaznych mytaŭ, jakija buduć vykarystoŭvacca dla dadatkova ŭzhodnienych zakupak nafty», — zajaviła PRAJM-TASS krynica, blizkaja da pieramovaŭ bakoŭ pa ŭmovach pastavak nafty.
Biełaruskija naftapierapracoŭčyja zavody pierapracoŭvajuć štohod bolš za 21 młn. ton nafty. Adzinym pastaŭščykom nafty ŭ Biełaruś pa-raniejšamu zastajecca Rasija.Da 2007 hoda Biełaruś nie płaciła Rasiei mytu za pierapracoŭvajemuju naftu. Z 2007 hoda, zhodna z padpisanym pahadnieńniem, Biełaruś stała płacić tracinu ad uzroŭniu ekspartnaha myta, ustanoŭlenaha Rasijaj.
U 2010 hodzie Biełarusi pakul nie ŭdałosia damovicca ab ilhotnych umovach nabyćcia rasiejskaj nafty, tamu naša kraina ciapier zakuplała jaje, vybirajučy biazmytnuju kvotu.
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA4
Kamientary