Koŭł: Spadziajomsia, da kanca hoda ŭdasca vyzvalić usich biełaruskich palitviaźniaŭ
Pavodle słovaŭ śpiecpasłańnika Trampa, učora vyzvalić 250 čałaviek udałosia šlacham «dastatkova žorstkich pieramovaŭ» ź biełaruskimi ŭładami.
Śpiecpasłańnik prezidenta ZŠA pa Biełarusi Džon Kouł ličyć, što da kanca hoda ŭdasca vyzvalić usich palityčnych źniavolenych u Biełarusi. Pra heta jon zajaviŭ u intervju svajoj žoncy Hrecie van Susteren na telekanale Newsmax.
«My ličym, što zmožam vyzvalić jašče bolš ludziej i spadziajomsia da kanca hoda vyciahnuć usich», — skazaŭ Koŭł.
Koŭł paćvierdziŭ, što z 250 čałaviek, vyzvalenych 19 sakavika, 235 zastalisia ŭ Biełarusi. Hetaha ŭdałosia dasiahnuć šlacham «dastatkova žorstkich pieramovaŭ» ź biełaruskimi ŭładami.
Śpiecpasłańnik Trampa taksama zajaviŭ, što sprabuje naładzić adnosiny pamiž Biełaruśsiu i Litvoj: vyrašyć pytańni ź mieteazondami i «drobnymi prablemami, jakija pieratvarylisia ŭ vialikija».
«Ja dasiahnuŭ dobraha prahresu ź Litvoj. Siońnia ja ŭźniaŭ hetyja pytańni pierad Łukašenkam, prezidentam. My robim dobryja kroki da miru pamiž hetymi dźviuma krainami», — zajaviŭ Koŭł.
Nahadajem, što ŭ červieni minułaha hoda ŭ vyniku vizitu amierykanskaj delehacyi ŭ Minsk byli vyzvalenyja 14 čałaviek, padčas dvuch papiarednich vizitaŭ Džona Koŭła ŭ Minsk — 11 vieraśnia i 13 śniežnia — na volu vyjšli 51 i 123 čałavieki. Učora stała viadoma pra vyzvaleńnie 250 čałaviek. Takim čynam kolkaść palitviaźniaŭ u Biełarusi apuściłasia nižej za 1000 čałaviek.
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili 250 palitviaźniaŭ
Džon Koŭł apublikavaŭ FOTA z vyzvalenymi palitviaźniami, departavanymi ŭ Litvu
Śpis palitviaźniaŭ, vyzvalenych 19 sakavika — i departavanych, i tych, chto zastajecca ŭ Biełarusi
«Ja vielmi ščaślivaja». Kalehi źviazalisia z Kaciarynaj Andrejevaj
Vyzvalenych palitviaźniaŭ vydvaryli za miažu znoŭ biez dakumientaŭ
Voś jak ciapier vyhladajuć Eduard Palčys i Kaciaryna Andrejeva FOTY
Biełarusy sustrakajuć vyzvalenych palitviaźniaŭ u Vilni FOTY i VIDEA
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja97
Kamientary
I my taksama spadziajemsia, što Vy zmožacie heta zrabić.