U novym vypusku TOKu biznesoviec Alaksandr Knyrovič raskazaŭ, kaho ličyć najlepšym premjeram za ŭsiu historyju kiravańnia Łukašenki. A taksama patłumačyŭ, čamu Łukašenka nie čapaje staršyniu Nacbanka Paŭła Kałaŭra.
Adkazvajučy na pytańnie, chto samy talenavity z ekanamičnaha błoku Łukašenki, Alaksandr Knyrovič zhadaŭ, što kaliści takim byŭ Kirył Rudy — pasoł u Kitai ŭ 2016-2020 hadach.
«Ja jaho słuchaŭ i razumieŭ: pa-pieršaje, heta talenavity čałaviek; pa-druhoje, heta vielmi śmieły čałaviek. Tamu što za toje, što jon tady kazaŭ ad asoby dziaržavy, zaraz robiać ekstremistam i sadziać za kraty», — dzielicca svaim pohladam biźniesmien.
Druhim čynoŭnikam, jakoha zhadvaje Knyrovič, źjaŭlajecca premjer-ministr Biełarusi ŭ 2018-2020 hadach Siarhiej Rumas:
«Jon byŭ vielmi mocny. Najlepšy premjer za ŭsie hady kiravańnia [Łukašenki] ŭ Biełarusi».
Kali ž havaryć pra sučasnuju situacyju, to biznesmien zaŭvažaje, što nie viedaje ludziej, jakija ciapier u ekanamičnym błoku Łukašenki, ale adznačaje dobruju kamandu ŭ Nacyjanalnym banku.
«Tamu nichto dziesiać hadoŭ nie čapaje Kałaŭra (staršyniu Nacyjanalnaha banka z 2014 hoda — «NN»). Ź im chacieli b niešta zrabić. Ale tak napužaŭ usich 2011 hod, što Łukašenka moža Zajca z Rusym «rasstralać», zasunuć u žyviołahadoŭčuju fiermu, a potym znoŭ padniać kudyści ŭvierch da vice-premjera. Jon moža dyrektaraŭ «Atłanta» pamianiać, ale Nacbank jon nie kranaje. Nie daj boža. Bo byŭ napužany».
Havoračy pra Nacyjanalny bank, Knyrovič zaŭvažaje: «Tam mocnaja kamanda. I toje, što ŭ Biełarusi bolš-mienš stabilnaść… Zaraz jana pačynaje kałychacca, ale nie tamu, što niešta nie tak robić Pavieł Kałaŭr, a tamu što astatnija robiać čort viedaje što».
Hladzicie całkam:
Kamientary