Zatrymali na pracoŭnym miescy: što viadoma pra palitźniavolenaha apieratara ANT Antona Kazielskaha

U Minskim haradskim sudzie 20 traŭnia raspačaŭsia sud nad 38-hadovym apierataram ANT Antonam Kazielskim. Jaho abvinavačvajuć pavodle č. 3 art. 361 (zakliki da sankcyjaŭ i inšych dziejańniaŭ, nakiravanych na škodu nacyjanalnaj biaśpiecy), a taksama č. 1 art. 130 (raspalvańnie inšaj sacyjalnaj varožaści abo varažniečy). Na voli Antona čakajuć žonka i čaćviora dziaciej. Były sukamiernik palitviaźnia, ź jakim jany razam adbyvali administracyjny aryšt na Akreścina, raspavioŭ «Viaśnie» padrabiaznaści zatrymańnia Antona.

Były aryštant Akreścina Siarhiej (imia źmieniena ŭ metach biaśpieki) niekatory čas u adnoj kamiery znachodziŭsia razam z Antonam Kazielskim. Pavodle słoŭ Siarhieja, apieratara ANT u kastryčniku 2023 hoda zatrymali supracoŭniki HUBAZiKu naŭprost na pracoŭnym miescy. Viadoma, što na momant zatrymańnia žonka palitviaźnia była ciažarnaja i nieŭzabavie naradziła čaćviortaje dzicia.

Sa słovaŭ sukamiernikaŭ, mužčyna prapracavaŭ na televizii paŭtara hoda (z 2022 pa 2023 hod), a potym u jaho znajšli kamientary za 2020 hod, u jakich jon nibyta zaklikaŭ vychodzić ludziej na pratest.

«Z taho, što Anton raspaviadaŭ: jaho ŭziali za kamientary z zaklikami vychodzić na vulicu. Choć sam jon nikudy nie chadziŭ, za što ź jaho asobna śmiajalisia siłaviki, maŭlaŭ, «kanapavy hieroj».

Pryjechaŭ na pracu, zdajecca, pa zvanku kalehi abo niepasrednaha načalnika. Z aparaturaj (videakamiery, štatyvy). Kala ofisa jaho sustreŭ toj, chto telefanavaŭ, ničoha nie patłumačyŭšy, paklikaŭ za saboj i skazaŭ: «Techniku taksama vaźmi». Vidać było, što čałaviek baicca i zasmučany tym, što patelefanavaŭ, sustreŭ i vypraŭlaje. Pryviali ŭ adzin z kabinietaŭ u ofisie. Dalej dopyt: «pakažy telefon» i inšaja kłasika. Pa pryjeździe ŭ RUUS zabrali techniku i zabrali «na zachoŭvańnie». Tudy — na zachoŭvańnie — trapili i asabistyja «składanyja techničnyja pryłady», što mienavita — nie pamiataju, mahčyma, asabisty fotaaparat i noŭtbuk. Anton byŭ zasmučany tym, što čałaviek, jaki vyklikaŭ jaho, skazaŭ uziać aparaturu z mašyny z saboj u ofis. ANTšnaje abstalavańnie, što było pry im, zastałosia ŭ RUUS», — raspaviadaje sukamiernik palitviaźnia.

Siarhiej uzhadvaje, što Anton sprabavaŭ zrabić pryjemnaje svajoj žoncy navat z-za krataŭ: «źlapiŭ joj kvietku z chleba i sprabavaŭ jaje pieradać na volu».

Paśla administracyjnaha aryštu Antona pierazatrymali ŭ miežach kryminalnaj spravy. Ciapier jaho abvinavačvajuć pavodle dvuch artykułaŭ: č. 3 art. 361 KK (zakliki da sankcyjaŭ i inšych dziejańniaŭ, nakiravanych na škodu nacyjanalnaj biaśpiecy) i č. 1 art. 130 KK (raspalvańnie inšaj sacyjalnaj varožaści abo varažniečy). Sud nad im raspačaŭsia 20 traŭnia ŭ Minskim haradskim sudzie. Spravu razhladaje sudździa Śviatłana Makarevič.

Padtrymajcie Antona hrašovymi pieravodami i pasyłkami: 

SIZA-1. 223016, Navadvorski sielsaviet, 143/4, v. Paškovičy, Minski rajon, Minskaja vobłaść. Anton Uładzimiravič Kazielski

• 0
• 2
• 0
• 2
• 0
• 2
• 9