U suviazi z uviadzieńniem letaś płoskaj škały padachodnaha padatku i pradastaŭleńnia standartnych padatkovych vylikaŭ niepasredna padatkovymi ahientami (buchhałteryjami), sioleta dekłaracyj ab dachodach u padatkovyja inśpiekcyi budzie padadziena prykładna na 20 pracentaŭ mienš, čym letaś,
paviedamiŭ namiesnik načalnika hałoŭnaha ŭpraŭleńnia padatkaabkładańnia fizičnych asobaŭ Ministerstva pa padatkach i zborach Michaił Rasolka.
Razam z tym, śpiecyjalisty MPZ različvajuć, što padatkovyja inśpiekcyi sa svaimi dekłaracyjami ab dachodach za minuły hod naviedajuć kala 60—65 tysiač padatkapłatnikaŭ.
Surazmoŭca ŭdakładniŭ, što da 1 sakavika padać dekłaracyi ŭ inśpiekcyi pavinny tyja, chto
letaś atrymlivaŭ dachody z‑za miažy; pradali za hod dva i bolš aŭtamabilaŭ; pradali na praciahu apošnich 5 hadoŭ dźvie ci bolš kvater, dač, damoŭ, ziamielnych učastkaŭ; atrymlivali takija dachody, padatki ź jakich nie ŭtrymlivajucca padatkovymi ahientami; atrymlivali dachody ad arhanizacyj i pradprymalnikaŭ, što padatkam nie abkładajucca, ale košt jakich za hod skłaŭ bolš za 150 bazavych vieličyniaŭ (heta padarunki, pryzy, apłata puciovak i inš.); dachody ŭ pamiery bolš za 500 bazavych vieličyniaŭ, jakija byli atrymanyja ŭ jakasci dareńnia ad rezidentaŭ Respubliki Biełaruś (nie svajakoŭ).
Ciapier i da siaredziny lutaha adździeły dekłaravańnia padatkovych inśpiekcyj pracujuć z 8.00 da 19.00 u pracoŭnyja dni i z 9.00 da 13.00 u subotu.
Z 15 da 27 lutaha — u pracoŭnyja dni z 8.00 da 20.00, u subotu z 9.00 da 13.00.
28 lutaha — z 9.00 da 13.00. 1 sakavika — z 8.00 da 20.00. Dla ŭładalnikaŭ piersanalnych kampjutaraŭ nahadajem, što ŭsiu poŭnuju infarmacyju pa adrasach inśpiekcyj i kantaktnych telefonach možna adšukać na sajcie ministerstva nalog.by
Pašpart Novaj Biełarusi pačnuć vydavać z 26 studzienia. Što viadoma i jak atrymać?102
Kamientary