Novy ladovy pałac u Baranavičach — apošniaja tema dla hutarak miascovaha ludu.
Novy ladovy pałac u Baranavičach — apošniaja tema dla hutarak miascovaha ludu. Heta nie tolki samy vialiki kulturna‑ fizkulturny budynak u horadzie. Heta niby novy muziej, dzie bolšaść śpiašajecca pabyvać. Kab potym raskazvać svajakam i znajomym, vychvalacca pierad siabrami.
Pa pałacy vodziać płatnyja ekskursii. Kab pakatacca na lodzie, treba kuplać kvitki za niekalki hadzinaŭ. A navat majučy kvitok, musiš prychodzić za hadzinu da svajho terminu — adstajać čarhu pa kańki. Čas koŭzańnia — 45 chvilin.
Stajać na kańkach tych mała chto dobra ŭmieje. Za pieršyja try dni novaha hoda «chutkaja» źviezła ź ladovaha pałaca piatnaccać čałaviek — strasieńnie mazhoŭ, pierałomy, vyvichi. Platuć čutki, byccam navat adzin vialiki čynoŭnik trapiŭ u špital.
U pałacy zaŭsiody dziažuryć doktar, jaki vyrašaje — ci vyklikać «chutkuju», ci fihuryst‑niebaraka daść sabie rady sam.
U horadzie źjaviŭsia popyt na kańki. Kab nie marnieć u čerhach, kab mieć svaje ŭłasnyja… U roznych častkach horada zalili katki… Harvykankam pierad pravasłaŭnym Rastvom pravioŭ łyžny zabieh vakoł pałaca.
Na pačatku hoda ŭ presie było abvieščana, što sioleta pobač ź ladovym raspačnuć budovu vodnaha pałaca.
— Stalin mianie vychavaŭ! — ravieŭ na ŭvieś aŭtobus stary ź dziciačymi łyžami ŭ rukach. — Baćka Stalin… Ja płakaŭ, kali jon pamior, la kałhasnaha repraduktara… My tady ŭsie fizkulturaj zajmalisia, na łyžach biehali, na kańkach… A ciapierašniaja moładź papryvykała za kampjutaram siadzieć… Internet im davaj, mabilnyja telefony… Stalina na ich niama!
-
Navošta Łukašenku «prezidencki bal» — takaja demanstratyŭnaja i krychu archaičnaja, seksisckaja pa formie tradycyja?
-
Radzina rezka adkazała Chalezinu: Nieŭźlin — moj siabar, jaki šmat zrabiŭ dla raźvićcia demakratyi ŭ mnohich krainach
-
Šrajbman adkazvaje, ci mohuć pieramovy pa Ukrainie prajści ŭ Biełarusi
Što zapisana aficyjnaj pryčynaj śmierci adzinaha syna Jarmošynaj?9
Kamientary