Litva ŭskładniaje vyvaz aŭtamabilaŭ u Biełaruś, kab ich nie pierapradavali ŭ Rasiju
U Litvie ŭviali novyja praviły vyvazu z terytoryi krainy ŭ Biełaruś aŭtamabilaŭ, nie starejšych za 5 hadoŭ. Ad eksparciora i hruzaatrymalnika ciapier buduć patrabavać harantyi, što mašyna nie budzie pradadzienaja ŭ Rasiju, paviedamlaje litoŭskaja mytnia.
Uviedzienyja miery, jakija pačnuć dziejničać z 4 červienia, majuć pieraškodzić abychodu sankcyj, uviedzienych suprać Rasii. Pry eksparcie aŭtamabilaŭ, nie starejšych za 5 hadoŭ ad momantu vypusku, litoŭskija mytniki ciapier buduć patrabavać:
- Damovu kupli-prodažu;
- Dakumient, jaki śviedčyć atrymańnie hrošaj ad pakupnika (vypisku z banka);
- Daviedku ab kančatkovym atrymalniku tavaru i tłumačeńnie, dzie budzie vykarystoŭvacca tavar;
- Abaviazacielstva abo paćviardžeńnie eksparciora i hruzaatrymalnika, što tavar nie pryznačany dla Rasii i nie budzie pradadzieny abo inšym čynam pieradadzieny dla vykarystańnia ŭ Rasii;
- Abaviazak ciaham 40 dzion paśla pierasiačeńnia miažy pieradačy kopii mytnaj dekłaracyi abo inšaha dakumienta, jaki budzie śviedčyć, što aŭtamabil razmytnili nie ŭ Rasii.
Litoŭskaja mytnia papiaredžvaje, što kali mašyna, vyviezienaja ź Litvy, usio ž taki apyniecca ŭ Rasii, to heta budzie ličycca parušeńniem sankcyjnaha režymu. Da vyśviatleńnia ŭsich akaličnaściaŭ eksparcioru, jaki takoje dapuściŭ, zabaroniać vyvozić inšyja aŭtamabili.
Jość novyja abmiežavańni i dla fizičnych asob. Kuplenuju ŭ ES mašynu ciapier vyvieźci ŭ Biełaruś zmoža tolki ŭładalnik — asoba, jakaja nabyła aŭta. Raniej heta mahli zrabić i pa davieranaści.
Watch on TikTok
Jak Biełaruś stała chabam dla luksavych aŭto ź Jeŭropy. Ličby ŭražvajuć
Kupla aŭto ź Jeŭropy i ZŠA na zamovu — nieapraŭdanaja ryzyka abo realnaja mahčymaść sekanomić?
Polšča patłumačyła zabaronu na ŭvoz aŭtamabilaŭ na tranzitnych numarach u Biełaruś
Pierahonščyki luksavych aŭto znajšli novy maršrut, kab dastaŭlać sankcyjonku ŭ Rasiju ŭ abychod Biełarusi
Polšča pierastała vypuskać u Biełaruś luksavyja aŭto pa prośbie Łatuški?
Kamientary