Dačka Hajdukieviča raskazała svaju viersiju «padpału» doma deputata
I zhadała, jak u 2020-m adnakłaśniki trymalisia ŭbaku ad jaje.
U novym vypusku tok-šou «DaNo» na STB pryniaŭ udzieł deputat Aleh Hajdukievič sa svajoj dačkoju Lizavietaj. U peŭny momant zhadali pra «zamach» na palityka ŭ 2021-m.
Hajdukievič zaŭvažyŭ: «Maja dačka viedała — «moj baćka zajmajecca palitykaj», jana słuchała. Ale ja dumaju, u jaje adbyłosia niejkaje pieraasensavańnie ŭ toj dzień, kali naš dom pasprabavali padpalić».
Sama Lizavieta raskazała pra padzieju, jakaja adbyłasia ŭletku 2021 hoda, nastupnaje:
«U toj dzień ja načavała ŭ inšym domie. I rankam ja viarnułasia dachaty. Zajšła ŭ dom, pabačyła — niejki har jość. Padumała: «Narmalna». Zajšła dachaty. Spakojna tam pasiadzieła. Potym niešta mnie ŭ hałavu tyrknuła — «niejak nienarmalna».
Ja pajšła ahladać i baču hetyja butelki. Ja padumała, što, mahčyma, niechta prosta pažartavaŭ i vyrašyŭ zakinuć hetyja butelki».
Nahadajem, što toj «padpał» KDB vykarystaŭ dla apieratyŭnaj hulni. Siamju Vajciachovičaŭ, jakich abvinavacili ŭ hetym, asudzili na terminy ad 11 da 21 hoda pazbaŭleńnia voli.
Dziaŭčyna taksama zhadała pra padziei 2020-ha: «Ja pamiataju, mnie baćki pa niadzielach nie dazvalali vychodzić u horad i sustrakacca ź siabrami, bo mała što moža stacca».
Pa słovach dziaŭčyny, toje, što jana dačka Hajdukieviča, «adyhryvała peŭnuju rolu» ŭ adnosinach z adnakłaśnikami.
«Mnohija padtrymlivali apazicyju. A tak jak moj baćka padtrymlivaŭ prezidenta, to ad mianie šmat chto trymaŭsia ŭbaku i staraŭsia nie razmaŭlać. Pry mnie palityčnyja temy ŭ škole ŭvohule nie padymali».
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA1
Kamientary