Maładoha ajcišnika z Hłuska asudzili na vielizarny termin za danaty
Alaksandru Maksimoviču pahražała da 20 hadoŭ kałonii.
Alaksandru Maksimoviču 28 hadoŭ. Zhodna z bazami «Kibierpartyzanaŭ», rodam jon z Hłuska, nievialikaha rajcentra ŭ Mahiloŭskaj vobłaści. Paśla zakančeńnia škoły pastupiŭ u Biełaruski dziaržaŭny ŭniviersitet infarmatyki i radyjoelektroniki na śpiecyjalnaść «Infarmacyjnyja sistemy i technałohii ŭ łahistycy». Paśla skančeńnia pajšoŭ u mahistraturu.
Nieviadoma dakładna, dzie pracavaŭ Alaksandr, ale, miarkujučy pa źviestkach sa źlitych bazaŭ — u śfiery IT.
Data zatrymańnia mužčyny nieviadomaja. Sud nad im pačaŭsia kala troch miesiacaŭ tamu, a skončyŭsia 30 maja 2024 hoda. Maksimoviča abvinavačvali ŭ «finansavańni dziejnaści ekstremisckaha farmiravańnia» (art. 361-2 KK) i «finansavańni terarystyčnaj dziejnaści» (č. 2 art. 290-1 KK).
Maksimoviču pahražała ad vaśmi da dvaccaci hadoŭ kałonii. Dakładny prysud pakul nieviadomy.
«Naša Niva» — bastyjon biełaruščyny
PADTRYMAĆ
Kamientary