Pientahon pra ŭdary pa Krymie: Kali RF zaniepakojenaja svaimi stratami, niachaj spyniaje vajnu
U Pientahonie adkazali na abvinavačańni Rasii ŭ datyčnaści ZŠA da «hibrydnaj vajny» suprać ich paśla ŭkrainskich udaraŭ pa Krymie.
Kamientujučy ŭdary ŭkrainskich sił pa Krymie, jakija, jak śćviardžała RF, rabilisia z dapamohaj rakiet ATACMS, pradstaŭnik Pientahona Pat Rajdar skazaŭ, što Ukraina sama vybiraje celi dla napadaŭ, paviedamlaje «Jeŭrapiejskaja praŭda».
«Važna azirnucca nazad, mienavita da niezakonnaha ŭvarvańnia Rasii va Ukrainu, važna azirnucca nazad i pahladzieć na toje, jak my dajšli da taho, što majem siońnia. I kali jany [RF] zaniepakojenyja achviarami siarod svaich vojskaŭ, to niachaj spyniajuć hetuju vajnu i viartajuć suvierennuju terytoryju Ukrainy, a nie ŭvodziać tudy svaje vojski biez patreby», — padkreśliŭ pradstaŭnik Pientahona.
Jon taksama nahadaŭ, što mienavita Rasija niasie adkaznaść za ŭvarvańnie va Ukrainu, što pryviało da hibieli tysiač niavinnych ukraincaŭ.
Raniej u Minabarony Rasii zajavili pra napad «pa hramadzianskaj infrastruktury horada Sievastopal pastaŭlenymi ZŠA apieratyŭna-taktyčnymi rakietami ATACMS». Rasijskija ŭłady havorać pra čatyroch zahinułych i bolš jak 150 paciarpiełych.
U toj ža čas u rasijskim Minabarony pryznali, što achviary siarod mirnaha nasielnictva adbylisia ŭ vyniku pracy SPA RF.
MZS Rasii ŭ paniadziełak vyklikała ambasadara ZŠA Lin Trejsi, jakoj zajaviła, što Štaty «viaduć suprać Rasii hibrydnuju vajnu i faktyčna stali bokam kanfliktu», paabiacaŭšy «adkaz na hetaje złačynstva».
Kamientary