Siońnia startavała ŭstupnaja kampanija ŭ VNU. Chto siońnia padaje dakumienty
U biełaruskich VNU 27 červienia startavała pryjomnaja kampanija, ale tolki dla adnoj katehoryi abituryjentaŭ.
Pieršymi ŭ pryjomnyja kamisii ŭniviersitetaŭ pajšli vypuskniki, jakija zaklučyli damovu ab metavym navučańni z arhanizacyjami-zakazčykami kadraŭ.
Zajavak ad apošnich u Minadukacyi pastupiła ŭ 2024 hodzie bolš za 5,6 tysiač, piša Tochka.by. Heta na tysiaču bolš, čym u 2023-m.
Abituryjenty-metaviki buduć padavać dakumienty pa 2 lipienia. Pastupać jany buduć pa bale, jaki składajecca ź siaredniaha bała atestata i vyniku pa vusnym ekzamienie. Vyprabavańni čakajuć vypusknikoŭ škoł z 4 pa 10 lipienia.
A ŭžo 12 lipienia abituryjenty buduć viedać, zaličany jany ŭ VNU ci nie.
Pytańni dla vusnaha ekzamienu apublikavanyja na sajcie Minadukacyi. Pa kožnym pradmiecie jany stroha ŭstanoŭleny: inšych być nie moža niezaležna ad taho, u jaki ŭniviersitet krainy na metavuju formu pastupaje małady čałaviek, zajaŭlaŭ raniej ministr adukacyi Andrej Ivaniec.
Jak i letaś, u pryjomnuju kamisiju ŭvojduć nastaŭniki, u tym liku piedahoh-pradmietnik.
Damova z arhanizacyjaj harantuje miesca pracy paśla VNU. Ź inšaha boku, za hady navučańnia možna i pieradumać adnosna svajoj prafiesii, a adpracoŭvać pryjdziecca doŭha — 5 hadoŭ.
Kamientary