Prodažy aŭtobusaŭ MAZ u Rasii źnizilisia ŭ pieršym paŭhodździ amal udvaja
U červieni 2024 hoda na rasijskim rynku pradadziena 12 novych aŭtobusaŭ Minskaha aŭtamabilnaha zavoda — na 63,6% mienš, čym u tym ža miesiacy 2023-ha (33), śviedčać źviestki rasijskaha ahienctva «ASM-chołdynh».
U pieršym paŭhodździ realizavana 292 adzinki hetaj techniki (u hety samy pieryjad minułaha hoda 558). Padzieńnie ŭzroŭniu prodažaŭ u hadavym vyražeńni skłała 47,7%.
Pradukcyja MAZ u minułym miesiacy zaniała 12-je miesca ŭ śpisie samych pradavanych brendaŭ hetaha siehmienta aŭtarynka Rasii, kanstatavali ekśpierty. Dola na rynku skłała 0,8%.
Lidarami prodažaŭ u červieni stali rasijskija PAZ (441; -4,1% u hadavym vymiareńni), LiAZ (383; +55,1%) i kitajski Yutong (234; -31,8%).
Za 2023 hod biełaruskim pradpryjemstvam realizavana 925 adzinak hetaha vidu transpartu — na 11,1% mienš, čym u 2022-m (1 040). Pa vynikach 2023-ha, jak i hodam raniej, MAZ zaniaŭ 6-je miesca ŭ adpaviednym siehmiencie aŭtarynka RF.
Kamientary