Za 40 km ad Minska jość unikalny biaspłatny hidrapark z vadaspadami, lesam, plažami i navat «džakuzi»
Usiaho za 40 km ad stalicy znachodzicca najcikaviejšaje miesca — hidrapark sanatoryja «Sasnovy bor». Hetaja niezvyčajnaja słavutaść spałučaje ŭ sabie adrazu niekalki vidaŭ adpačynku: možna pahulać pa lesie, pazaharać na plažy, palubavacca štučnymi vyspami i rukatvornymi vadaspadami (i navat u ich vykupacca), piša Onliner.by.
![](http://nashaniva.com/img/w840d4webp1/photos/z_2024_07/86239a847a6d0dbe5e2cc6ad9b12ac00-jzr5l.jpg.webp)
Hidrałahičny park chavajecca ŭ sasnovym bary niedaloka ad Radaškovičaŭ. Trapić na terytoryju možna całkam svabodna, pakinuŭšy mašynu kala eks-«Bryhanciny» (ciapier heta spartyŭna-azdaraŭlenčy kompleks BDU). Tyja z vas, chto ŭ dziacinstvie adpačyvaŭ u pijanierskim łahiery niepadalok (nazvy «Zorny», «Vołat», «Čabarok» vam pra niešta kažuć?), napeŭna, choć raz byvali ŭ hetym miescy. A moža, navat prabiralisia siudy ŭpotaj…
![](http://nashaniva.com/img/w732d4webp1/photos/z_2024_07/826f0047b0f555e127a2077e4a4d40a6-zbebv.jpg.webp)
![](http://nashaniva.com/img/w732d4webp1/photos/z_2024_07/4a9495284fe2648adb94d609176ef885-xj1v0.jpg.webp)
![](http://nashaniva.com/img/w732d4webp1/photos/z_2024_07/c58eecb9093215c3c3e6fdc2cd8eff91-t6gl6.jpg.webp)
U viečar sierady na vadaspady małyja prabiralisia tolki ŭ supravadžeńni darosłych. Śpiny pad mahutnyja strumiani padstaŭlali ź niekatorymi aściarohami. Zatoje ludzi starejšyja (mahčyma, heta hości sanatoryja) rabili heta ŭpeŭniena, z asablivaj asałodaj. Na tvarach čytałasia nievierahodnaje, navat dziciačaje zachapleńnie — mahčyma, tutejšaja vada vałodaje amaładžalnym efiektam. Nu a moža, heta ŭsiaho tolki cudy hidramasažu.
![](http://nashaniva.com/img/w732d4webp1/photos/z_2024_07/4ea25d9d479aade0b7337c6e7d9340a9-aixgj.jpg.webp)
![](http://nashaniva.com/img/w732d4webp1/photos/z_2024_07/68fc034d95beefade6a6243b0eda9e73-68nrc.jpg.webp)
![](http://nashaniva.com/img/w732d4webp1/photos/z_2024_07/016b54fdd79ba19ddbcd3790616e5d17-ndg9v.jpg.webp)
Pra sam hidrapark viadoma niašmat. Miarkujučy pa nadpisie na vałunie, jaki sustrakaje prosta na ŭvachodzie, słavutaść była stvoranaja ŭ 1983 hodzie pa prajekcie «Biełhipravodhasa» i pabudavana siłami tresta «Minskvodbud».
![](http://nashaniva.com/img/w732d4webp1/photos/z_2024_07/b76cf8217397e440969572f2427a7022-wduzr.jpg.webp)
![](http://nashaniva.com/img/w732d4webp1/photos/z_2024_07/8e08493ba02e15f51cca521b358bdf56-nbztk.jpg.webp)
Z dapamohaj płaciny na race Rybčancy byli stvoranyja štučny vadajom i sietka kanałaŭ z vadaspadami i kaskadami. Jany razrazajuć sušu na siem vyspaŭ, źviazanych pamiž saboj mastkami (jość navat niekalki padviesnych).
![](http://nashaniva.com/img/w732d4webp1/photos/z_2024_07/1ad1fcaf75a24cf4d5725dc63fcbcef8-jk9rr.jpg.webp)
![](http://nashaniva.com/img/w732d4webp1/photos/z_2024_07/549716ebba1185486ee6cb8cc9245170-m47za.jpg.webp)
![](http://nashaniva.com/img/w732d4webp1/photos/z_2024_07/c302e79ce946d292c6bf7765809cb94e-1g3j1.jpg.webp)
Vyspy hetyja roznaj stupieni akulturanaści. Niekatoryja vyhladajuć dzika (u dobrym sensie słova): dzieści biarozka prylahła na vodnuju roŭniadź, dzieści kusty vyraśli vyšejšyja… Usio heta stvaraje adčuvańnie naturalnaj pryrody.
![](http://nashaniva.com/img/w732d4webp1/photos/z_2024_07/9555664f2664a6eac41930bb4372e6b4-gjawp.jpg.webp)
![](http://nashaniva.com/img/w732d4webp1/photos/z_2024_07/477b2a7dc9baaaa537f86c3e521640f8-friwk.jpg.webp)
![](http://nashaniva.com/img/w732d4webp1/photos/z_2024_07/c17f57ff5144ceccb7b414ef615ff957-a3wor.jpg.webp)
![](http://nashaniva.com/img/w732d4webp1/photos/z_2024_07/dfda5db025a31344a51b9116cc62f330-x9ie7.jpg.webp)
![](http://nashaniva.com/img/w732d4webp1/photos/z_2024_07/4218374d9c7ee9bbed96928ce123b5f8-2qa4x.jpg.webp)
![](http://nashaniva.com/img/w732d4webp1/photos/z_2024_07/329ec1699f451acce66e7f1b067d5706-t31un.jpg.webp)
![](http://nashaniva.com/img/w732d4webp1/photos/z_2024_07/0ac72ea29600201e0de0cbd6e9602047-pbe7y.jpg.webp)
Jašče tut abstalavany plaž z raspranalniami, paračkaj ležakoŭ i parasonaŭ, dziciačymi arelami. Dla małych u vadajomie praduhledžana śpiecyjalnaja zona, abmiežavanaja sietkaj.
A kali raptam vy zabylisia kupalnik, a papłavać chočacca, nie chvalujciesia: na ŭskrainie parku ŭžo ŭźnik stychijny rynak z kupalnymi pryładami.
![](http://nashaniva.com/img/w732d4webp1/photos/z_2024_07/25393543e9ab30fa94cda4e0c8afd5e3-e6gs1.jpg.webp)
![](http://nashaniva.com/img/w732d4webp1/photos/z_2024_07/2b462ad47ec0ae1e2db1d66cb5388ab8-r1izb.jpg.webp)
![](http://nashaniva.com/img/w732d4webp1/photos/z_2024_07/a1ab91b0cb3267f55a83b87745b4e763-vfjvq.jpg.webp)
Pahladzieć na hidrałahičnuju słavutaść možna całkam biaspłatna. Abyści terytoryju prapanujuć dvuma maršrutami — karotkim sinim i doŭhim čyrvonym. Jany paznačanyja nie tolki na infarmacyjnym stendzie, ale i pa chodzie ruchu — strełački adpaviednych koleraŭ naleplenyja na stvałach dreŭ.
![](http://nashaniva.com/img/w732d4webp1/photos/z_2024_07/02352b387e6e5b917694fd072cae33fb-p4ezb.jpg.webp)
Adpačynak kazačny, ale nie biudžetny: jak siamja z Bresckaj vobłaści baviła čas u parku žyvioł «Dypryz»
«Ty nibyta ŭ hatelnym numary, ale ŭ toj ža čas jak i na pryrodzie». Biełarusy raskazali, jak heta — padarožničać pa krainie aŭtadomam
Jakuju ekaściežku ŭ Biełarusi abrać dla padarožža vychadnoha dnia?
Top malaŭničych miescaŭ dla letnich vandrovak pa Biełarusi, dalej ad haradskoj zaduchi
Kamientary