Stali viadomyja padrabiaznaści žudasnaha DTZ pad Mahilovam. U im zahinuŭ 5-hadovy chłopčyk i jaho baćka
Siamja na aŭtamabili Volkswagen, kiroŭca jakoha nie spraviŭsia z kiravańniem, viartałasia ź lecišča ŭ Mahiloŭ.
![](http://nashaniva.com/img/w840d4webp1/photos/z_2024_07/2-n4rgl.png.webp)
Pavodle papiarednich źviestak, uviečary 13 lipienia pablizu vioski Fojna kiroŭca Volkswagen, ździajśniajučy abhon spadarožnaj fury, straciŭ kantrol nad kiravańniem. Mašyna vyjechała na sustrečnuju pałasu, dzie sutyknułasia z aŭtamabilem Audi, jaki ciahnuŭ pryčep.
U vyniku DTZ 34-hadovy žychar Mahilova i jahony 5-hadovy syn, jakija znachodzilisia ŭ Volkswagen, pamierli na miescy.
Žonka zahinułaha mužčyny i ich 3-hadovaja dačka špitalizavanyja.
Dvoje 18-hadovych žycharoŭ Klimavickaha rajona z Audi taksama znachodziacca ŭ balnicy.
Na miescy zdareńnia ŭsiu noč pracavali śledčyja. SK piša, što siamja na aŭtamabili Volkswagen viartałasia ź lecišča ŭ Mahiloŭ. Dzieci pieravozilisia ŭ śpiecyjalnych dziciačych prystasavańniach.
Zaviedzienaja kryminalnaja sprava pa č. 3 art. 317 (parušeńnie pravił darožnaha ruchu, što paciahnuła pa nieaściarožnaści śmierć dźviuch abo bolš asob) Kryminalnaha kodeksa Biełarusi.
Kamientary