Lidzija Jarmošyna pra svaje strachi ŭ 2020: Z parłamienta prabirałasia čornymi chadami
U intervju STB byłaja staršynia Centralnaj vybarčaj kamisii Lidzija Jarmošyna padzialiłasia, što ŭ 2020-m jašče da pačatku vybaraŭ atrymlivała abrazy i pahrozy. Jana śćviardžaje, što takoha nie było da 2020 hoda.
![Lidzija Jarmošyna Lidija Jarmošina Lydia Yarmoshina](http://nashaniva.com/img/w840d4webp1/photos/z_2024_07/1-mol2k.jpg.webp)
«Što tam havaryć, kali z parłamienta mnie davodziłasia prabiracca čornymi chadami. Ja vyjści nie mahła. I zajści, čaściakom, spakojna. I heta ŭsio było na pieršym etapie», — zhadvaje Jarmošyna.
Jana kaža, što pierad vybarami zapužvali i čynoŭnikaŭ. I panarakała, što nie ŭsio možna praduhledzieć.
«My ž nie možam pieratvaryć hramadstva ŭ kazarmu. U lubym vypadku jano pavinna narmalna demakratyčna raźvivacca i isnavać. A značyć, budzie svaboda mierkavańniaŭ, buduć ludzi, jakija buduć sumniavacca i pa-roznamu hladzieć na tyja ci inšyja rečy».
Na pohlad byłoj staršyni CVK, dziaržava pavinna zaŭsiody vałodać nieabchodnym reziervam tych ludziej, jakija zmohuć pierakanać tych, chto vahajecca.
Kamientary