«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy
Žycharka Minska stała vidavočcam urahanu, jaki ŭ subotu nakryŭ kiempinh na Vilejskim vadaschoviščy i zabraŭ žyćcio maładoha mužčyny. Jana raspaviała karespandentu «Minskaj praŭdy» padrabiaznaści taho fatalnaha dnia.
— U nas byŭ arhanizavany turźlot i pražyvańnie ŭ namiotach na kiempinhu «Klovaje miesca» ź piatnicy pa niadzielu. U piatnicu išoŭ doždž, ale potym raspahodziłasia, i my dobra adpačyli. A ŭ subotu ŭ nas byli kvesty, zatym spłaŭ na bajdarkach i paśla abiedu vielmi rezka pačałasia niepahadź. Pajšoŭ mocny doždž i viecier.
Kab schavacca, my zabiehli ŭ domik i zrazumieli, što ad mocnaha vietru halinki dreŭ abłomvajucca i laciać na zbudavańnie. Domik pačało štarmić.
My ŭtrymlivali dach, potym u domiku paryvam vietru vyrvała dźviery — heta było vielmi strašna, nasamreč. 20 čałaviek našaj kampanii tulilisia ŭ hetym domiku, čakali, pakul usio skončycca.
Kali my pahladzieli ŭ akienca, to ŭbačyli, što adno z dreŭ ŭpała prosta na našu pałatku i źniesła namiot, dzie znachodziłasia naša kuchnia. Dźvie susiednija altanki prosta pierakulilisia.
U niejki momant ja sama pačała raźvitvacca z žyćciom. Ja dumaju, jak i ŭsie, što taksama tam znachodzilisia. My nie razumieli, kali heta skončycca. Nie viedaju, kolki pa časie heta doŭžyłasia, ale adčuvańnie, što heta było vielmi doŭha. I strach byŭ taksama vielmi vialiki.
Adzin chłopiec z našaj kampanii spaŭ u namiocie ŭ toj čas, kali pačało lacieć hallo. Jon prosta pačuŭ, pračnuŭsia i pabieh chutčej da nas u domik. Uvohule, vyratavali jaho niejkija vyšejšyja siły.
Choć kiempinh u nas byŭ arandavany da niadzieli my źjechali dadomu ŭ subotu ŭviečary, adrazu paśla štormu.
Usie našy rečy pramokli, bo lažali ŭ namiotach, patanuli telefon i paŭerbanki. Usie sumki byli mokryja naskroź, a pałatki prosta pavaliła.
Paciarpiełych siarod nas nie było. I tolki, kali my pryjechali dadomu daviedalisia, što tam chłopiec zahinuŭ. Jon byŭ ź inšaj kampanii, — raspaviała dziaŭčyna.
Nahadajem, u vyniku niepahadzi ŭ Biełarusi ŭ subotu-niadzielu zahinuli čatyry čałavieki.
Pa Biełarusi prakaciłasia niepahadź, mocnyja viatry i zalevy FOTY i VIDEA
Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka
Jašče adna achviara štormu — dreva zabiła chłopčyka pad Rečycaj
Urahan udaryŭ pa vystavie MUS u centry Viciebska — viecier raskidaŭ namioty VIDEA
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary