U siecivie zapracavaŭ sajt z nazvaj «Staronki», jaki pazicyjanujecca stvaralnikami jak pieršaja hłabalnaja płatforma dla biełaruskaha bukkrosinhu i ŭsieahulnaja raźmierkavanaja biblijateka, piša bellit.info.
Kamanda prajektu, raskidanaja pa ŭsim śviecie ad Hiermanii da Aŭstralii, kirujecca ahulnaj metaj: zrabić biełaruskuju knihu bolš dastupnaj dla čytača.
Na «Staronkach» amatary biełaruskaj litaratury z usich kutkoŭ śvietu majuć dostup da bahataj kalekcyi pryvatnych biełaruskich knih, a taksama mohuć znajści biblijateki i kramy ź biełaruskimi knihami pablizu.
«Z našaj dapamohaj ty zmožaš znajści biełaruskija knihi ŭ svajoj miascovaści, paznajomicca ź biełaruskimi amatarami litaratury. Bolš nie abaviazkova zamaŭlać knihi, apłočvać darahuju pierasyłku i doŭha čakać», — skazana na sajcie.
Pieršyja karystalniki resursu ŭžo dadali 50 knih i ździejśnili 4 abmieny.
Jak skazana ŭ praviłach karystańnia, «Staronki» źjaŭlajucca vyklučna płatformaj, na jakoj čytačy majuć mahčymaść znajści ci prapanavać knižki dla pazyki, prodažu albo ŭ jakaści padarunku. My nie možam paŭpłyvać na praterminavanuju pazyku. Płatforma nie niasie adkaznaści za zhublenyja ci paškodžanyja knihi. Płatforma nie rehuluje košty na prapanavanyja knihi i nie ŭmiešvajecca ŭ finansavyja tranzakcyi».
Stvaralniki «Staronak» kažuć, što imknucca sačyć za aktualnaściu infarmacyi pra biblijateki i kramy ź biełaruskimi knihami na staroncy z mapaj, adnak časam mohuć nie paśpiavać daviedacca pra źmieny svoječasova. Tamu vybačajucca za lubyja niedakładnaści i buduć udziačnyja za paviedamleńnie pra ich na adrac padtrymki [email protected].
-
U Zasłaŭi nad ruinami bramy XVI stahodździa pabudujuć navies. Što viadoma pra ŭnikalny abjekt i čamu prapanavany prajekt — biessensoŭny i škodny
-
Na mohiłkach u Minsku źnieśli staryja kryžy i aharodžy. Zamiest ich staviać biezabličnyja bietonnyja padhałoŭniki
-
Da sarakavinaŭ pamiaci Śviatłany Kurs apublikavana raniej nie drukavanaje jaje ese «SSSR jak kałyska i mahiła»
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary