Historyja

Daśledčyk daviedaŭsia pra historyju pieršych hadzińnikaŭ Žyrovickaha manastyra

Svoj tyrolski hadzińnik achviaravała Ahata Sapiažanka, padzialiŭsia adkryćciom u fejsbuku historyk Dzianis Lisiejčykaŭ. 

Zhirovitsky monastery Žyrovicki manastyr Žirovickij monastyŕ
Žyrovicki manastyr. Fota: Wikimedia Commons

Historyju pieršaha hadzińnika Žyrovickaha manastyra, jaki adnosiŭsia da ŭnijackaha ordena bazyljanaŭ, adkryŭ dakumient, jaki datujecca 1713 hodam.

Jaho aŭtar cytuje napisany na starabiełaruskaj movie rejestr manastyra za 1628 hod. Adtul jon daviedaŭsia, što ŭ 1627 hodzie svoj tyrolski poŭny hadzińnik sa zvonam da jaho manastyru achviaravała «bresckaja padkamoryna» Ahata Sapiažanka Bahdanaŭna Mikałajevaja Pacavaja.

Paśla hetaha hadzińnik byŭ pierarobleny. U im byŭ źmienieny cyfierbłat. Zamiest 24 hadzin stała 12. Adpaviedna byŭ źmienieny i miechanizm bićcia hadzin. Hetyja raboty vykanaŭ ružanski «zeharmistr».

Hadzińnik pastavili na śpiecyjalna zbudavanaj viežy nad vialikim manastyrskim domam, usiaredzinie samoha manastyra.

Hrošy na raboty majstra i pabudovu zvanicy-viežy vydatkavali dźvie «šanoŭnyja pani», jakija prasili, kab «nichto nie viedaŭ pra ich, što zapłacili i što tak šmat zapłacili».

The first clock of the Zhirovitsky Monastery Pieršy hadzińnik Žyrovickaha manastyra Pieršy hadzińnik Žyrovickaha manastyra
Dakumient 1723 hoda. Fota: sacyjalnyja sietki

U vyniku, jak adznačajecca ŭ dakumiencie, «nie kaštavała heta manastyru razam z kavalom i žalezam i z usim inšym bolš za 40 złotych i 10 hrošaŭ».

Aŭtar dakumienta z XVIII stahodździa piša, što pieršy žyrovicki hadzińnik «zhareŭ u manastyrskaj carkvie, spalenaj maskalami ŭ čas Maskoŭščyny, u hodzie 16?? [vierahodna, razmova idzie pra padziei 1655-1660 hadoŭ]».

Reštki hadzińnika zachoŭvalisia ŭ manastyry pryblizna da 1700 hoda. Niekatoryja jahonyja koły byli «pieraroblenyja na toje, što možna było pierarabić».

Miesca staroha hadzińnika zaniaŭ novy. Aŭtar spasyłajecca na «ćmianyja čutki» i śćviardžaje, što dakładna viadoma tolki toje, što «hety hadzińnik zrobleny tut, u Žyrovičach, ramieśnikam, jaki pryjšoŭ z Vilni».

Chto achviaravaŭ na jaho vyrab hrošy, takuju infarmacyju aŭtar «nidzie ŭ knihach nie znajšoŭ». Jak jon piša, hadzińnik «spraŭleny ad niejkaha dabradzieja, padobna, što z domu Sapiehaŭ».

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, što za amierykaniec niadaŭna byŭ vyzvaleny ź biełaruskaj turmy7

Stała viadoma, što za amierykaniec niadaŭna byŭ vyzvaleny ź biełaruskaj turmy

Usie naviny →
Usie naviny

ES moža vydzielić Ukrainie vielizarny pakiet dapamohi —700 miljardaŭ jeŭra5

Sioleta pačnuć zabudoŭvać učastak na rahu praśpiekta Niezaležnaści i Vałhahradskaj3

Raspracoŭščyk z Amsterdama raskazvaje, kolki jon tracić u miesiac4

Losavańnie čempijanatu Biełarusi pa futbole prajšło ŭ Bresckaj krepaści4

«Kudy stolki padzieć?» Biełaruska atrymała hihancki padarunak na pracy da śviataŭ — u tyktoku zajzdrościać12

Da 2027 hoda štučny intelekt moža dasiahnuć uzroŭniu «krainy hienijaŭ». Što majecca na ŭvazie?5

Palitźniavoleny žurnalist Karniej schudnieŭ za kratami na 15 kh i maje prablemy z sercam1

Prakuratura pakazała interjery kałonii, u jakoj trymajuć Alesia Bialackaha3

Pieramovy pamiž Rasijaj i ZŠA ŭ Er-Ryjadzie pačalisia9

bolš čytanych navin
bolš łajkanych navin

Stała viadoma, što za amierykaniec niadaŭna byŭ vyzvaleny ź biełaruskaj turmy7

Stała viadoma, što za amierykaniec niadaŭna byŭ vyzvaleny ź biełaruskaj turmy

Hałoŭnaje
Usie naviny →

Zaŭvaha:

 

 

 

 

Zakryć Paviedamić