U dzień cyrymonii adkryćcia Alimpijady ŭ Francyi adbylisia dyviersii na čyhuncy
«Heta maštabnaja ataka z metaj paralizavać sietku TGV», — zajavili ŭ Nacyjanalnym čyhunačnym apieratary SNCF. U kampanii zaklikali pasažyraŭ adkłaści svaje pajezdki i trymacca dalej ad vakzałaŭ.
Sietka vysakachutkasnych čyhunak Francyi paciarpieła ad dyviersij, uklučajučy padpały, jakija parušyli pracu transpartnaj sistemy za niekalki hadzin da cyrymonii adkryćcia Alimpijskich hulniaŭ u Paryžy. Pra heta ahienctvu AFP zajavili ŭ Nacyjanalnym čyhunačnym apieratary SNCF u piatnicu, 26 lipienia, paviedamlaje Deutsche Welle
«Heta maštabnaja ataka z metaj paralizavać sietku TGV», — zajaviła SNCF, dadaŭšy, što mnohija maršruty pryjdziecca admianić, a situacyja praciahniecca «jak minimum usie vychodnyja, pakul buduć pravodzicca ramontnyja raboty».
«SNCF staŭ achviaraj niekalkich adnačasovych złamysnych dziejańniaŭ na praciahu nočy», — adznačajecca ŭ zajavie.
Ataki zakranuli Atłantyčnuju, Paŭnočnuju i Uschodniuju linii.
Paŭdniova-ŭschodniaja linija nie paciarpieła, tak jak «złamysny akt byŭ praduchileny. Ciahniki byli pieranakiravany na inšyja šlachi, ale nam pryjdziecca admianić vialikuju ich kolkaść», — zajavili ŭ kampanii.
Admiena ciahnikoŭ zakranie kala 800 tysiač pasažyraŭ. SNCF zaklikała pasažyraŭ adkłaści svaje pajezdki i trymacca dalej ad vakzałaŭ.
Terakty byli ździejśnienyja ŭ toj momant, kali Paryž rychtujecca da cyrymonii adkryćcia, u jakoj voźmuć udzieł 7500 spartsmienaŭ, 300 000 hledačoŭ i mnostva VIP-pierson.
Cyrymonija adkryćcia, jakoje ŭpieršyniu projdzie ŭ vyhladzie parada łodak na Sienie, adbudziecca 26 lipienia. Pačatak a 20:30 pa minskim časie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary