U Breście praciahvajuć sudzić piensijanierku za danaty palitviaźniam
U Bresckim abłasnym sudzie praciahvajecca sudovy praces nad palitźniavolenaj Natallaj Malec pavodle č. 1 i č. 2 art. 361-4 (sadziejničańnie ekstremisckaj dziejnaści) Kryminalnaha kodeksa. Spravu razhladaje sudździa Rusłan Siańko, piša «Viasna».
![](http://nashaniva.com/img/w840d4webp1/photos/z_2024_08/maliec240802-z0ygv.jpg.webp)
Natalla ŭžo była asudžana ŭ śniežni 2022 hoda za «abrazu pradstaŭnika ŭłady» (art. 369 KK) na 1,5 hoda «chatniaj chimii».
U vieraśni 2023 hoda žančynu znoŭ zatrymali i źmiaścili pad vartu. Siłavikoŭ zacikaviła «padazronaja aktyŭnaść žančyny ŭ ažyćciaŭleńni hrašovych pieravodaŭ». Vierahodna, zatrymańnie źviazana z udziełam Natalli ŭ zakrytaj supołcy ŭ Facebook «Piśma Solidarnosti Biełaruś 2020», jakuju ŭ śniežni pryznali «ekstremisckim farmavańniem».
Miesca ŭtrymańnia: SIZA-7. 224030, Brest, Savieckich pamiežnikaŭ, 37, Natalla Albiertaŭna Malec
Kamientary