Prodaž likiora‑harełačnych vyrabaŭ u 2009 hodzie ŭ Biełarusi vyras na 14,4%
Na spažyvieckim rynku Biełarusi ŭ 2009 hodzie realizavana ałkaholnych napitkaŭ i piva na 4904,9 młrd. rubloŭ, što ŭ ahulnym abjomie roźničnaha tavaraabarotu handlovych arhanizacyj składaje 12%.
Pra heta paviedamili ŭ Nacyjanalnym statystyčnym kamitecie.
U minułym hodzie pradadziena ałkaholnych napitkaŭ i piva ŭ absalutnym ałkaholi ŭ abjomie 9236,6 tys. dał, što składaje da ŭzroŭniu 2008 hoda 97,8%. Prodaž harełki źniziŭsia na 1,4% i skłaŭ 10728,3 tys. dał. Realizacyja likiora‑harełačnych vyrabaŭ uzrasła na 14,4% i skłała 1268,4 tys. dał. Pavialičyŭsia taksama prodaž piva — jaho pradadziena 26484,9 tys. dał, što na 6,3% bolš, čym u 2008 hodzie. Na 1,2% bolš realizavana pienistych vin, uklučajučy šampanskaje. Ich pradadziena 1147,2 tys. dał. Realizacyja słabaałkaholnych napitkaŭ pavialičyłasia na 3,8% i skłała 1352,8 tys. dał.
Miž tym, na 6% skaraciłasia realizacyja vinahradnych vin, uklučajučy napitki, i skłała 2364,2 tys. dał. Prodaž pładovych vin, uklučajučy napitki, źniziŭsia na 7,1%. Na 27 pracentaŭ źmienšyŭsia prodaž kańjaku, uklučajučy kańjačnyja napitki, brendzi, i skłaŭ 216,2 tys. dał.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje19
Kamientary