Kiraŭnik kampanii Neuralink Iłan Mask paviedamiŭ, što druhi ŭ historyi kampanii pacyjent atrymaŭ mazhavy impłant dla adnaŭleńnia niervovych funkcyj. U płanach Neuralink na hety hod užyvić impłanty jašče vaśmi pacyjentam, piša Reuters.
«Ja nie chaču suročyć, ale padobna, z druhim impłantam usio prajšło vielmi dobra. Tam šmat sihnałaŭ, šmat elektrodaŭ. Usio pracuje vielmi dobra», — paviedamiŭ Mask.
Pa słovach biznesoŭca, u pacyjenta była traŭma śpinnoha mozhu. Padčas apieracyi nievialikuju pryładu pamieram z manietu złučajuć z dapamohaj 1024 elektrodaŭ z hałaŭnym mozham. Druhi pacyjent nibyta atrymaŭ taki ž impłant, jaki byŭ ustalavany ŭ pieršaha: jon raźličany na pracu nie mienš za 400 elektrodaŭ.
Pieršy pacyjent Nołand Arboŭ atrymaŭ impłanty ŭ studzieni hetaha hoda. U kancy sakavika kampanija pakazała, jak Arboŭ hulaje ŭ šachmaty siłaj dumki.
Neuralink raspracoŭvaje pryłady, jakija dazvalajuć ludziam z paraličom karystacca kampjutarami i inšymi hadžetami z dapamohaj dumki. U ciapierašni čas kampanija testuje svaje pryłady na ludziach z traŭmami śpinnoha mozhu.
Mask abiacaje, što hetyja technałohii dapamohuć ludziam z paškodžańniami niervovaj sistemy. Naprykład, jany zmohuć znoŭ ruchacca paśla traŭmy śpinnoha mozhu abo adnavić zrok i słych paśla paškodžańnia mozhu. Taksama jon kaža, što hetyja impłanty daduć ludziam «supierbačańnie» i mahčymaść mieć znosiny dumkami, biez słoŭ.
Kampanija Iłana Maska pakazała, jak pieršy čałaviek z užyŭlenym čypam Neuralink hulaje ŭ šachmaty siłaj dumki
Nvidia prezientavała «samy mahutny ŭ śviecie» čyp dla štučnaha intelektu
Mask: Pieršy pacyjent ź impłantam Neuralink zdolny kiravać kampjutarnaj myškaj z dapamohaj dumak
Kampanija Maska ŭpieršyniu ŭžyviła mikračyp u mozh čałavieku
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary
Čto to kak to nie očień vdochnovlajuŝie poka vsie eto vyhladit.