Karystalniki ŭ Rasii paviedamili, što YouTube nie adkryvajecca
Na servisach pa adsočvańni zbojaŭ downdetector.su i Brand Analytics karystalniki z Rasii masava skardziacca na niedastupnaść YouTube. Paviedamleńni datyčacca jak sajta, tak i mabilnaha dadatku servisu, piša RBK.
Usplosk skarhaŭ abodva servisy fiksujuć paśla 9:00 pa minskim časie.
Prablemy z dostupam da servisu ŭ Rasii nazirajucca z pačatku miesiaca. U niekatorych rasiejcaŭ pierastali prajhravacca videa ŭ vysokaj jakaści (1080r i vyšej) u bolšaści papularnych braŭzeraŭ na desktopach.
«Rastelekam» tłumačyŭ situacyju prablemami z abstalavańniem Google, jakaja z 2022 hoda, paśla pačatku vajennych dziejańniaŭ na Ukrainie, nie zajmajecca jaho abnaŭleńniem. U Google adkazali, što «heta nie źjaŭlajecca vynikam jakich-niebudź techničnych prablem abo dziejańniaŭ z našaha boku».
U lipieni kiraŭnik kamiteta Dziarždumy pa infarmacyjnaj palitycy Alaksandr Chinštejn zajaviŭ ab «dehradacyi» jakaści pracy servisu i nazvaŭ heta vymušanym krokam z-za antyrasijskaj palityki maciarynskaj kampanii Google. Paźniej jon patłumačyŭ padzieńnie chutkaści zahruzki videa na YouTube prablemami z zachoŭvańniem danych u rasijskich data-centrach. Sa słoŭ Chinštejna, 80% abjomu videakantentu YouTube, jaki hladziać rasiejcy, zachoŭvajecca na siervierach Google u Rasii.
Deputat kazaŭ, što chutkaść zahruzki YouTube na stacyjanarnych kamputarach moža źnizicca da 40%, a potym — da 70%.
Čały: Čym daŭžej Łukašenka marudzić z vybarami, tym bolš arhumientaŭ, kab jamu nie iści6
Kamientary
Jesť bolšoje žiełanije, u vłasti, čtoby vsie sieli na biełtielekom i jeho kanały śviazi, tam proŝie prosłušivať, podhladyvať i błokirovať....
V poddieržkie skažut o bolšoj nahruzkie i zahruzkie sietiej i bolšie ničieho...