U matčy «Ajaksa» ŭ Lizie Jeŭropy prabili 34 paślamatčavyja pienalci! VIDEA
40-hadovy sivy hałkipier «Ajaksa» adbiŭ 5 udaraŭ, a sieryja 11-mietrovych skončyłasia ź likam 13:12.
![](http://nashaniva.com/img/w840d4webp1/photos/z_2024_08/remka_pasver240816-1wat0.jpg.webp)
Niezvyčajny vypadak zdaryŭsia ŭčora ŭ matčy 3-ha raŭndu kvalifikacyi futbolnaj Lihi Jeŭropy pamiž «Ajaksam» i «Panacinaikasam», tam prabili 34 pienalci.
Tydzień tamu «Ajaks» u Afinach pieramoh 1:0, učora hreki vyjhrali ŭ Amsterdamie ŭ asnoŭny čas 1:0, tamu byŭ pryznačany aviertajm, jaki nie prynios hałoŭ i ŭ vyniku ŭsio pierajšło ŭ sieryju pienalci.
I jana była niezvyčajna doŭhaj. Kamandy zrabili 34 udary!
A 40-hadovy hałkipier «Ajaksa» (u listapadzie jamu budzie 41) Remka Paśviejer staŭ adnym z hierojaŭ, zrabiŭšy piać sejvaŭ i zabiŭšy sam.
U vyniku 13:12, i amsterdamski kłub u płej-of kvalifikacyi Lihi Jeŭropy, dzie zhulaje ź biełastockaj «Jahiełonijaj».
Taksama ŭ płej-of Lihi Jeŭropy zhulaje i minskaje «Dynama», supiernikam jakoha budzie bielhijski «Anderlecht».
Kamientary