Hrodzienskija ŭłady znoŭ vypisali dla śviatočnaha kancerta rasijskaha artysta, jaki aktyŭna padtrymlivaje ŭładu i vajnu.
Rasijski śpiavak Stas Michajłaŭ vystupić na kancercie ŭ honar Dnia horada ŭ Hrodnie.
Kancert projdzie 7 vieraśnia i budzie biaspłatnym dla žycharoŭ i haściej horada, paviedamlaje adździeł kultury Hrodzienskaha harvykankama.
Stas Michajłaŭ aktyŭna padtrymlivaje rasijskija ŭłady i vajnu va Ukrainie. Uviesnu jon raskrytykavaŭ artystaŭ, u pryvatnaści Ału Puhačovu, jakija źjechali z Rasii i vykazvajucca suprać vajny. Michajłaŭ tady zajaviŭ, što artysty nieŭzabavie viernucca i «buduć całavać Rasii nohi». U adkaz Puhačova nazvała śpievaka «m***akom» .
U krasaviku Michajłava ź jubilejem vinšavaŭ Łukašenka.
Ułady Hrodna i vobłaści apošnija hady zaprašajuć na śviaty artystaŭ, jakija padtrymlivajuć vajnu. Tak, dva hady tamu na 9 maja ŭ horadzie vystupiŭ adzin z hałoŭnych Z-śpievakoŭ Aleh Hazmanaŭ — tady hubiernatar Uładzimir Karanik i pamočnik Łukašenki pa vobłaści Juryj Karajeŭ navat praśpiavali ź im na scenie.
Letaś na 9 majaŭ Hrodnie vystupaŭ hurt «Lube».
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary