«Hiermanija ŭžo padvodziła śviet da prorvy. Kancler Šolc, nie dajcie hetamu paŭtarycca». Kasparaŭ vykupiŭ staronku ŭ najbolšym niamieckim vydańni
13-y čempijon śvietu pa šachmatach vykupiŭ u Bild cełuju staronku rekłamy, raźmiaściŭšy na joj fatahrafiju mahił ukrainskich vajskoŭcaŭ i zaklik da kanclera Hiermanii Ołafa Šolca dać Ukrainie nieabchodnuju dla jaje vajennuju dapamohu.
«Hiermanija ŭžo padvodziła śviet da prorvy. Kancler Šolc, nie dajcie hetamu paŭtarycca. Dajcie Ukrainie tuju vajskovuju dapamohu, u jakoj jana sapraŭdy maje patrebu», — taki nadpis raźmieščany pad fatahrafijaj, piša Rasijskaja słužba Radyjo Svaboda.
![](http://nashaniva.com/img/w732d4webp1/photos/z_2024_08/kasparau240820-6i5i7.jpg.webp)
Abviestka apublikavanaja na fonie abmierkavańnia mahčymaj pastanovy ŭrada Hiermanii skaracić vajskovuju dapamohu Ukrainie.
Ministr finansaŭ FRH Kryścijan Lindnier užo nakiravaŭ ministru abarony Barysu Pistoryusu list z prośbaj nie ŭchvalać dalejšyja zakazy na kuplu ŭzbrajeńniaŭ u pramysłovych pradpryjemstvaŭ, śćviardžajecca ŭ materyjale Frankfurter Allgemeine Sonntagszeitung.
Hary Kasparaŭ u 2005 hodzie abviaściŭ pra zaviaršeńnie šachmatnaj karjery, paśla čaho zaniaŭsia palityčnaj dziejnaściu ŭ Rasii. U 2013 hodzie źjechaŭ z Rasii, bajučysia pieraśledu z boku ŭładaŭ. Znachodziačysia za miažoj, były šachmatyst zasnavaŭ apazicyjny Forum svabodnaj Rasii, a paśla pačatku vajny va Ukrainie staŭ adnym z zasnavalnikam Antyvajennaha kamiteta Rasii.
Bild — najbujniejšaja niamieckaja ilustravanaja hazieta z nakładam zvyš miljona asobnikaŭ. U elektronnym vyhladzie jaje čytajuć zvyš 20 miljonaŭ čałaviek u dzień.
Kamientary
Chaj jašče Hary pacikavicca, jak zieleń u Bundestahie skaročvaje vydatki na ŭłasnuju armiju. Adkul hrošy brać? Jašče bolš finansavańnie Bundeśviera skaracić? Ci ciotkam z Ukrainy pierastać hrošy na bjuty-industryju vydatkoŭvać? A, Hary?