Ciaham vizitu zapłanavanaja sustreča z polskim kaleham Martynava Radasłavam Sikorskim.
Ministr zamiežnych spravaŭ Biełarusi Siarhiej Martynaŭ 11‑12 lutaha budzie znachodzicca z aficyjnym vizitam u Varšavie.
Zapłanavany pieramovy Martynava ź ministram zamiežnych spraŭ Radasłavam Sikorskim, «u ramkach jakich budzie abmiarkoŭvacca šyrokaje koła pytańniaŭ
Paviedamlajecca taksama, što padčas vizitu kiraŭniki zamiežnapalityčnych viedamstvaŭ padpišuć mižuradavy dahavor ab praviłach pamiežnaha ruchu.
Nahadajem, 8 lutaha kiraŭnik MZS Polščy zajaviŭ, što maje namier. U efiry polskaha telekanała TVP INFO Sikorski adznačyŭ, što pytańnie ab situacyi polskaj mienšaści ŭ Biełarusi pavinna być pieradadziena ŭ mižnarodnyja instytuty. «Chočam, kab nie tolki polski bok havaryŭ ab tym, jak šmat moža stracić Biełaruś, kali znoŭ vyrašyć samaizalavacca. My nie možam zabaranić hetaha Biełarusi, ale pavažać pravy nacmienšaściaŭ, pavažać pravy apazicyi — heta asnoŭnaja ŭmova zbližeńnia ź Jeŭrasajuzam», — skazaŭ kiraŭnik polskaha MZS.«pa-mužčynsku» pahavaryć sa svaim biełaruskim kaleham u suviazi ź situacyjaj vakoł Doma polskaha ŭ Iviancy
Adnosiny pamiž Minskam i Varšavaj abvastrylisia paśla kanfliktu ŭ Iviancy (Vałožynski rajon, Minskaja vobłaść). Miascovy Dom polski nie mohuć padzialić dva kryła Sajuza palakaŭ u Biełarusi (SPB) — aficyjnaje i niezarehistravanaje. Kožny z bakoŭ śćviardžaje, što maje prava na ŭłasnaść.
8 lutaha sudovyja vykanaŭcy zrabili vopis majomaści Doma polskaha, vypravadziŭšy z budynka aktyvistaŭ nieaficyjnaha SPB. Kiraŭnictva arhanizacyi rascaniła heta jak «zachop» i źviarnułasia za padtrymkaj da polskich uład.
Situacyja ŭ Iviancy stała pryčynaj dypłamatyčnaha skandału. Pasoł Biełarusi ŭ Polščy Viktar Hajsionak byŭ vyklikany ŭ polskaje MZS, dzie jamu vykazali zaniepakojenaść dziejańniami biełaruskich pravaachoŭnych orhanaŭ u dačynieńni da Doma polskaha. U svaju čarhu, pasoł Polščy ŭ Biełarusi Chienryk Litvin byŭ na dva dni adklikany dla kansultacyj u Varšavu.
Prezident Polščy Lech Kačynski zaprasiŭ lidera nieaficyjnaha SPB Anžaliku Borys na sustreču. Čakajecca, što jana adbudziecca na nastupnym tydni.
Varta taksama adznačyć, što
polskaja apazicyjnaja partyja «Prava i spraviadlivaść», jakuju ŭznačalvaje Jarasłaŭ Kačynski, brat prezidenta Polščy Lecha Kačyńskaha, zapatrabavała admianić vizit Martynava, a taksama zaklikała prem'jer-ministra Donalda Tuska źviarnucca ŭ ES z prapanovaj nakłaści na Biełaruś handlovaje embarha.
Adnak Radasłaŭ Sikorski zajaviŭ, što nie źbirajecca admianiać vizit kiraŭnika MZS Biełarusi. «Ź Biełaruśsiu treba razmaŭlać, a nie izalavać jaje», — padkreśliŭ ministr.
Ciapier čytajuć
Łukašenka: Razmova z Makronam doŭžyłasia 1 hadzinu 40 chvilin. Projduć pieramovy z pradstaŭnikom Francyi13
Kamientary