«Sajuźniki typu». Błohier-kamunist Sodziel aburyŭsia, što Rutube nie daje jamu jak biełarusu zarablać
Prapahandyst i błohier Žan Sodziel, jaki viadzie ŭłasny jutub-kanał na 155 tysiač padpisantaŭ ź plotkami pra ruski šou-biznes, pakryŭdziŭsia na Rutube za toje, što placoŭka nie dazvalaje jamu manietyzavać svoj kantent.
«U Rutube bolš roliki vykładvać nie budu. «Ptušku» dali, a hrošaj niama. Biełaruskija błohiery pakul što im nie patrebnyja, miarkujučy pa adkazie techpadtrymki».
Tam Sodzielu paviedamili, što manietyzacyja rolikaŭ ciapier mahčymaja tolki dla rezidentaŭ Rasijskaj Fiederacyi.
Sodziel nie razumieje, jak takoje mohuć rabić nibyta sajuźniki.
«Sajuźniki typu, sajuznaja dziaržava, ale paadharodžvalisia. «Rutubam», zdajecca, zapraŭlajuć tyja ž, chto SSSR razvaliŭ. Za raźjadnańnie jany, a nie za abjadnańnie. Da YouTube im i blizka nie daciahnucca z takoj palitykaj», — nie chavaje emocyj błohier.
«Jakaja strata!» — paśpieli pairanizavać užo niekatoryja kamientatary na staronkach Žana. Varta adznačyć, što na Rutube u Sodziela było 235 padpisantaŭ. A roliki nabirali ŭ siarednim pa 200-300 prahladaŭ.
Pry hetym 12 vieraśnia ŭ Biełarusi źbirajucca zapuścić svoj anałah YouTube — płatformu videobel.by.
Kamunist, danosčyk sa stažam, pakryŭdžany na BT — što za błohier Žan Sodziel, jaki nabraŭ papularnaści na plotkach pra ruski šoubiznes
Biełaruski anałah YouTube zapuściać 12 vieraśnia. Tam buduć pakazvać dziaržTB
Łukašenka skazaŭ ŚMI nie «valić» na jaho karyść, kali jon stanie kandydatam na vybarach
Ihar Tur try hady pisaŭ u apazicyjny čat, a ciapier spaliŭsia. Jakija dumki jon pravodziŭ?
Ciapier čytajuć
Mabilny Anžaliki Mielnikavaj z 19 sakavika znachodzicca na terytoryi Biełarusi58
Kamientary
Łaźnia, harełka, traktar !
Go !