Pieravozčyki prapanujuć uvieści ŭ Biełarusi «čornyja śpisy» pasažyraŭ
Mižrehijanalnaja asacyjacyja pieravozčykaŭ prapanuje stvaryć u Biełarusi «čornyja śpisy» pasažyraŭ. U ich mohuć trapić debašyry i tyja, chto braniruje kvitok, ale rehularna nie prychodzić na pasadku, paviedamlajecca na sajcie asacyjacyi.
Siońnia stvareńnie «čornaha śpisu» pieravozčykam abo sistemaj pa prodažy kvitkoŭ niezakonnaje. Kali kvitok jość u prodažy, to admović kamu-niebudź u jahonaj kupli nielha.
Pry hetym pasažyr abaviazany nie stvarać niazručnaściaŭ inšym pasažyram i kiroŭcu, adciahvać uvahu apošniaha ad kiravańnia transpartam.
Adnak, pa słovach pieravozčykaŭ, niekatoryja pasažyry svaimi pavodzinami ledź nie zryvajuć rejsy, pakolki padčas ich pavodziać siabie nieadekvatna.
Prablemu stvarajuć i takija pasažyry, jakija praz dystancyjnyja servisy branirujuć kvitki, ale paśla na zamoŭlenyja rejsy nie źjaŭlajucca.
«I adzin raz možna było b zapluščyć na heta vočy. Ale ź niekatorymi pasažyrami takaja situacyja adbyvajecca rehularna. Da mianie na rejs adnojčy mužčyna nie źjaviŭsia razy sa try za niekalki tydniaŭ. Stali raźbiracca.
Vyśvietliłasia, što ŭ hetaha pasažyra było 130 braniavańniaŭ na roznyja rejsy. Pajezdak ža nabrałasia ad siły 20. Što heta? Niepavaha da čužoj pracy ci niešta bolšaje? Naprykład, intryhi kankurentaŭ, kab prymusić jeździć mianie i inšych «pustymi», i takim čynam pastupova vycieśnić z maršrutu», — aburajecca adzin z kiroŭcaŭ.
Jon upeŭnieny, što takich sieryjnych «prahulščykaŭ» rejsaŭ varta było b pazbaŭlać mahčymaści braniravać kvitki abo prymusić apłačvać niajaŭki rublom.
Pieravozčyki źviartajuć uvahu, što ŭ abnoŭlenym Pavietranym kodeksie Biełarusi zamacavana pałažeńnie, zhodna ź jakim avijapieravozčykam dadziena prava na farmiravańnie rejestra asob, pavietranaja pieravozka jakich abmiežavanaja. Kali pasažyr debašyryŭ na borcie, naprykład, piŭ, raspuskaŭ ruki, nie prysłuchoŭvaŭsia da zaŭvah ekipaža i byŭ za heta pryciahnuty da adkaznaści, to avijakampanija maje prava admović jamu ŭ nabyćci kvitka ŭ budučyni. I ŭ «čornym śpisie» jon budzie znachodzicca datul, pakul źviestki pra jaho nie vyklučać z Adzinaha dziaržaŭnaha banka źviestak ab pravaparušeńniach.
Mižrehijanalnaja asacyjacyja pieravozčykaŭ ličyć, što varta razhledzieć ŭkaranieńnie padobnych padychodaŭ i ŭ naziemnych pieravozkach pasažyraŭ. Heta dazvolić pavysić uzrovień kamfortu i palepšyć biaśpieku.
Kvitki ź Minska ŭ Vilniu adčuvalna padaraželi. Z čym heta źviazana i čamu ceny mohuć uźlacieć jašče bolš?
Hruzapieravozčyki i kamiersanty bjuć tryvohu — davodzicca pierasadžvacca z «Miersiedesaŭ» na HAZeli
Pierasadžvacca ŭ inšy aŭtobus u čarzie na miažy bolš nielha? Zdajecca, tak
Adnyja iduć u adpačynak, inšyja jeduć u Bałharyju. Što robiać pieravozčyki z-za ŭzmacnieńnia pravierak na miažy z Polščaj
Kamientary
kohda budiet sud, pieriesmotriat svoi žie