Parłamient Łatvii kančatkova pryniaŭ zakon ab kanfiskacyi aŭtamabilaŭ ź biełaruskaj rehistracyjaj
Siejm u aŭtorak pryniaŭ źmieny ŭ zakon ab darožnym ruchu, jakija praduhledžvajuć kanfiskacyju aŭtamabilaŭ ź biełaruskimi numarami. Źmieny pryniatyja ŭ druhim čytańni.
«Dla vykanańnia sankcyj ES zarehistravany ŭ Biełarusi transpartny srodak pavinien być vyviezieny z krainy abo zarehistravany ŭ Łatvii, praduhledžvaje kamisija Siejma pa nacyjanalnaj, ahrarnaj, ekałahičnaj i rehijanalnaj palitycy», — havorycca ŭ pastanovie.
Zaraz zarehistravanyja ŭ Biełarusi transpartnyja srodki, jakija ciapier znachodziacca na terytoryi Łatvii, pavinny być vyviezienyja abo zarehistravanyja dla ŭdziełu ŭ darožnym ruchu ŭ Łatvii da 31 kastryčnika. Paśla hetaha terminu transpartny srodak mohuć kanfiskavać.
Adnak paśla hetaha terminu transpartnyja srodki ź Biełarusi zmohuć ujazdžać u Łatviju tolki dla adnarazovaha pierasiačeńnia terytoryi krainy tranzitam, kali ich kiroŭcy papiarednie źviarnulisia ŭ Dyrekcyju biaśpieki darožnaha ruchu. Zmohuć ujazdžać i aŭtamabili dypłamatyčnych i konsulskich słužbaŭ, pasolstvaŭ i delehacyj.
Vyklučeńnie praduhledžana dla ludziej z abmiežavanymi mahčymaściami pieramiaščeńnia, jakija kirujuć ułasnymi śpiecyjalna abstalavanymi transpartnymi srodkami, zarehistravanymi ŭ Biełarusi, kali jany žadajuć ujechać z metaj naviedvańnia svaich baćkoŭ, dziaciej abo suženca, jakija pražyvajuć u Łatvii.
Kitaj paprasiŭ Biełaruś narmalizavać adnosiny z Polščaj — krynica6
Kamientary