Dziaŭčynka da 12 hadoŭ nie chadziła ŭ škołu. Jaje maci pazbavili baćkoŭskich pravoŭ
Čytać, pisać i ličyć dziaŭčynku vučyŭ starejšy brat.
Sud Ivacevickaha rajona pazbaviŭ baćkoŭskich pravoŭ maci, jakaja ŭchilałasia ad vychavańnia dački. Dziaŭčynka pieradadziena na dziaržzabieśpiačeńnie, paviedamlaje bar24.by.
Rabotnikam prakuratury stała viadoma ab nienaležnym vykanańni maci abaviazkaŭ pa vychavańni dački.
Z naradžeńnia dziaŭčynka žyła z mamaj u Maskvie. Baćka ź siamjoj nikoli nie pražyvaŭ. Pastajannaha miesca žycharstva jany nie mieli. Znachodzilisia ŭ znajomych i siabroŭ maci. Dziaŭčynka nikoli nie naviedvała ŭstanovy adukacyi. Čytać, pisać i ličyć dziaŭčynku vučyŭ starejšy brat.
Z maja pa listapad 2023 hoda jana znachodziłasia na dziaržaŭnym zabieśpiačeńni ŭ sacyjalna-reabilitacyjnym centry dla niepaŭnaletnich «Ałtufjeva» ŭ Maskvie. Tudy dziaŭčynku źmiaścili jak dzicia, jakoje zastałosia biez apieki baćkoŭ. Sa śniežnia 2023 hoda dzicia — u adnoj z ustanoŭ adukacyi Ivacevickaha rajona.
Viadoma, što padčas znachodžańnia dziaŭčynki ŭ sacyjalnaj ustanovie Maskvy, a taksama va ŭstanovie adukacyi ŭ Biełarusi jaje maci nie cikaviłasia žyćciom dački.
Taksama žančyna nie sprabavała viarnuć dačku ŭ siamju.
U intaresach dziaŭčynki prakuror Ivacevickaha rajona nakiravaŭ u sud zajavu ab pazbaŭleńni jaje maci baćkoŭskich pravoŭ. Rajonny sud zadavoliŭ pazoŭ u poŭnym abjomie. Dziaŭčynku pieradali na dziaržaŭnaje zabieśpiačeńnie, paviedamlaje Hienprakuratura.
Zhodna z Kodeksam Respubliki Biełaruś ab šlubie i siamji, baćkoŭ mohuć pazbavić baćkoŭskich pravoŭ u dačynieńni da niepaŭnaletniaha dziciaci. Heta adbyvajecca, kali ŭstalujuć, što jany ŭchilajucca ad vykanańnia abaviazkaŭ baćkoŭ.
Kitaj paprasiŭ Biełaruś narmalizavać adnosiny z Polščaj — krynica6
Kamientary