Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie
Prapahandysty anansavali film ź jaho ŭdziełam.
Juryst Juryj Ziankovič, hramadzianin Biełarusi i ZŠA, byŭ zatrymany 12 krasavika 2021 hoda ŭ Maskvie pa tak zvanaj spravie zmoŭščykaŭ.
Jon abvinavačvaŭsia pa č. 1 art. 357 KK (zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 KK (stvareńnie ekstremisckaha farmavańnia i kiraŭnictva im), č. 3 art. 361 KK (publičnyja zakliki da zachopu dziaržaŭnaj ułady), č. 3 art. 130 KK (raspalvańnie sacyjalnaj varožaści).
Watch on TikTok
Juryj Ziankovič całkam pryznaŭ svaju vinu i nie admaŭlaŭ, što źjaŭlaŭsia arhanizataram zmovy. Taksama jon paprasiŭ prabačeńnia ŭ saŭdzielnikaŭ.
5 vieraśnia 2022 h. sudździa Uładzimir Areška pryznaŭ Juryja vinavatym i prysudziŭ jamu 11 hadoŭ kałonii va ŭmovach uzmocnienaha režymu.
KDB uklučyŭ jaho ŭ śpis «asobaŭ, jakija majuć dačynieńnie da terarystyčnaj dziejnaści», a MUS — u śpis «asobaŭ, datyčnych da ekstremisckaj dziejnaści».
Jak paviedamlali pravaabaroncy, Ziankovič trapiŭ u kałonii pad presinh — u babrujskaj PK № 2 administracyja prymušała Ziankoviča vynosić viodry z ekskremientami i myć prybiralniu, a kali toj admoviŭsia — adpravili ŭ ŠIZA. Tam jon abviaščaŭ haładoŭku.
U śniežni 2022 hoda Ziankoviču dadali jašče paŭhoda terminu — pa spravie ab abrazie pradstaŭnika ŭłady.
Jašče praź niejki čas jaho pieraviali na turemny režym u mahiloŭskuju turmu №4. U žniŭni 2024 hoda Ziankoviča sudzili jašče i «niepadparadkavańnie administracyi», ale nieviadoma, ci dadali niejki termin.
Siońnia źjaviŭsia anons prapahandysckaha videa z udziełam Ziankoviča. Miarkujučy pa tyziery, Ziankovič znoŭ paćviardžaje viersiju abvinavačańnia, pra toje, što razam z saŭdzielnikami rychtavaŭ napad na Łukašenku.
Razam ź Ziankovičam pa spravie prachodzili Alaksandr Fiaduta, Ryhor Kastusioŭ, jakija abvinavačvalisia ŭ zmovie, ździejśnienaj z metaj zachopu dziaržaŭnaj ułady niekanstytucyjnym šlacham (č. 1 art. 357 KK), i taksama Volha Hałubovič i Dzianis Kraŭčuk, jany abvinavačvalisia ŭ aktyŭnym udziele ŭ hrupavych dziejańniach, jakija hruba parušajuć hramadski paradak (č. 1 art. 342 KK).
Alaksandru Fiadutu i Ryhoru Kastusiovu dali pa 10 hadoŭ pazbaŭleńnia voli; Volzie Hałubovič i Dzianisu Kraŭčuku — pa 2,5 hoda pazbaŭleńnia voli.
3 lipienia 2024 hoda chvoraha Ryhora Kastusiova vypuścili z hrodzienskaj turmy pa amnistyi.
«Sprava zmoŭščykaŭ»: padrabiaznaści sustrečy Ziankoviča i «siłavika» ŭ restaranie
Sud pa «spravie dziaržpieravarotu»: Juraś Ziankovič zapisvaŭ Zoom dla «partyzanaŭ»
Makar rassvaryŭsia z Karač i zajaviŭ, što Ziankovič palacieŭ u Maskvu pad jaje harantyi biaśpieki
Chto taki Juraś Ziankovič — amierykanski advakat, jaki mieŭ kałasalnaje žadańnie źviartać na siabie ŭvahu
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary