Siamja prahramistaŭ praviała try hady za miažoj i viarnułasia ŭ Biełaruś. Čym rasčaravała Polšča?
Kacia i jaje muž — prahramisty. Try hady jany praviali za miažoj, ale ŭ vyniku viarnulisia ŭ Biełaruś. Čamu muž i žonka pryniali takoje rašeńnie, Kacia raskazała ŭ siabie ŭ instahramie, piša Most.
Za čas svajho adjezdu muž i žonka zmahli pažyć u niekalkich krainach: try miesiacy jany praviali ŭ Abjadnanych Arabskich Emiratach, hod — u Turcyi i paŭtara hoda — u Polščy. Za hety čas jany taksama naviedali inšyja jeŭrapiejskija krainy.
Kacia źviartaje ŭvahu: rašeńnie ab viartańni jany z mužam pryniali nie tamu, što za čas rełakacyi ŭ ich nie atrymałasia realizavacca.
«Ja vyjšła na jeŭrapiejski rynak, ja atrymała vielmi dobryja prapanovy — u dva, u try razy vyšejšyja za biełaruskija. Było 600-700 kandydataŭ na pasadu senior lead, ale, niahledziačy na heta, ja atrymała prapanovy», — raskazała dziaŭčyna.
Darahoje žyllo, pradukty i taksi
Siamja znajšła niekalki pryčyn, kab pajechać z Polščy nazad u Biełaruś.
Hałoŭnaj ź ich stała žyllo. Za 50-mietrovuju kvateru ŭ varšaŭskim rajonie Makotaŭ muž i žonka płacili 1500 dalaraŭ u miesiac. Jašče 170 dalaraŭ kaštavała absłuhoŭvańnie (čynš), asobna apłačvałasia elektryčnaść. Pry vyjeździe para musiła dadatkova zapłacić 500 dalaraŭ za spažytuju vadu.
Taksama dziaŭčynie padalisia vysokimi ceny na pradukty. Jana pryviała ŭ prykład jajki, jakija ŭ Biełarusi kaštujuć u ekvivalencie kala 4 złotych za ŭpakoŭku, a ŭ Polščy, pa jaje słovach, — ad 10-11.
Kacia źviarnuła ŭvahu i na toje, što z-za roźnicy ŭ časie pamiž Biełaruśsiu i Polščaj (zimoj jana składaje dźvie hadziny) u Polščy ciamnieje raniej — «u 15.30 užo ciomna».
Akramia taho, dziaŭčynu nie zadavoliła taksi. Pavodle jaje słoŭ, jany z mužam navat nabyli novuju mašynu BMW X3 2023 hoda.
«Taksisty prosta žachlivyja. Jany jeździać vielmi drenna, parušajuć praviły. Taksi vielmi darahoje. Mašyny brudnyja, pachnuć cyharetami», — apisvaje biełaruska.
Ale asabisty transpart nie zaŭsiody vyratoŭvaje: a treciaj hadzinie dnia, kali zakančvajecca pracoŭny dzień, pa nazirańniach dziaŭčyny, Varšava staić u zatorach.
Nie pryvykli da servisu i dastaŭki
Nie spadabałasia siamji i toje, što roznyja supracoŭniki kampanij mohuć pa-roznamu padychodzić da rašeńnia adnaho i taho ž pytańnia. Naprykład, u adnym adździaleńni banka biełarusam admaŭlalisia adkryć rachunak, a ŭ inšym — adkryvali. Z takim ža supiarečlivym padychodam u absłuhoŭvańni siamja Kaci sutyknułasia i ŭ aŭtasałonie.
Jana źviarnuła ŭvahu na nizkuju jakaść servisu ŭ słužbach padtrymki i dastaŭki, a taksama na drennaje staŭleńnie niekatorych palakaŭ da biełarusaŭ.
Rabota kurjerskich słužbaŭ stała asobnym rasčaravańniem:
«Dastaŭka kurjeram pryznačajecca na ceły dzień. To bok vy pavinny siadzieć doma i čakać kurjera».
Minekanomiki: Ajcišniki viartajucca ŭ Biełaruś
Pratasievič: U nas u cechu mužyki-zvarščyki zarablajuć pa 9-10 tysiač rubloŭ
«U Wargaming pracavała šmat vatnikaŭ i jabaciek». Papularny IT-błohier patłumačyŭ, čamu mienavita tam
Ajcišnik paśla 3+ hadoŭ u EPAM staŭ aficyjantam. Pracu ŭ IT tak i nie znajšoŭ
Ajcišnik z EPAM, jaki žyvie ŭ ZŠA, naviedaŭ Biełaruś. Ciapier jamu pahražaje da siami hadoŭ kałonii
Kamientary
"Kohda novaja bmv [BMV Ch3 2023h] v Polšie u nas tupiła so svoim kar plej, a Audi v Italii podklučałaś mhnovienno my prizadumaliś (pri naličii jestiestvienno druhich niedočietov)
A uvidiev i posidiev v Džili, (Kim, moj muž, 196sm) eta mašina idiealno podošła jemu po raźmieram
Nu i koniečno vniešnij vid u nieje očień krasivyj"
Bo niama ŭ Polščy takich pryhožych auto!