Denieł Dej-Ljuis — adziny ŭ historyi trochrazovy ŭładalnik «Oskara» za najlepšuju mužčynskuju rolu («Maja levaja naha», «Nafta», «Linkaln») — u 2017 hodzie abviaściŭ pra zaviaršeńnie karjery, ale zaraz pieradumaŭ. Focus Features i Plan B pracujuć nad zdymkami filma «Aniemona», dzie Dej-Ljuis syhraje hałoŭnuju rolu, piša Plot.
Heta režysiorski debiut jaho syna — 26-hadovaha Ronana Dej-Ljuisa. Siužet apisvajecca jak «daśledavańnie składanych adnosin baćkoŭ, synoŭ i bratoŭ, a taksama dynamiki siamiejnych poviaziaŭ». U filmie taksama zdymajucca Šon Bin, Samanta Mortan, Semiueł Botamli i Safija Okli-Hryn.
Dej-Ljuis abviaściŭ pra zaviaršeńnie akciorskaj karjery pierad vychadam filma «Pryvidnaja nitka» ŭ 2017 hodzie. Nijakich pryčyn jon nie nazvaŭ. Paźniej jon skazaŭ, što padvioŭ rysu pad kino.
«Ja nie chacieŭ, kab [paśla «Pryvidnaj nitki»] mianie znoŭ uciahnuła ŭ inšy prajekt. Usio svajo žyćcio ja kazaŭ, što pavinien kinuć akciorskuju karjeru. Nie viedaju, čamu hetym razam usio było pa-inšamu. Ale žadańnie syści ŭkaraniłasia ŭva mnie, heta stała dakučlivaj idejaj. Ja pavinien byŭ heta zrabić», — kazaŭ jon tady.
Tabłoidy ŭžo ŭčora publikavali fatahrafii Dej-Ljuisa sa zdymačnaj placoŭki — tam jon haniaje na matacykle z Šonam Binam.
Supierzorki, daścipny humar i zabłytanyja zabojstvy. Na ekranie čaćviorty siezon ledź nie daskanałaha detektyva
Kryvavaja historyja bratoŭ Mienendes. Topavy sieryjał pa realnych padziejach, jaki abaviazkova treba pabačyć
Kolki ŭ Vilejcy płaciać tym, chto hraje śpiecnazaŭcaŭ u fantastyčnym rasijskim sieryjale?
Łukašenka: Chto tam u Rasii viakaje na šmatviektarnaść Biełarusi i vyzvaleńnie palitviaźniaŭ?6
Kamientary