U Hrodnie chirurhi vyratavali 98-hadovuju pacyjentku, zrabiŭšy joj składanuju apieracyju
U Jadvihi Iosifaŭny Antanovič dyjahnastavali žoŭcievy pierytanit.
Chirurhi Hrodzienskaj haradskoj balnicy chutkaj dapamohi vyratavali 98-hadovuju pacyjentku, zrabiŭšy joj składanuju apieracyju. Žančyna ŭžo doma i pačuvajecca dobra, paviedamili BiełTA ŭ Hałoŭnym upraŭleńni achovy zdaroŭja abłvykankama.
Žančynu dastavili va ŭstanovu achovy zdaroŭja ŭ krytyčnym stanie. Dziakujučy majsterstvu daktaroŭ 98-hadovaja žycharka Skidziela viarnułasia da narmalnaha žyćcia. Dzień pažyłych ludziej jana sustreła doma, u kole rodnych, a miedyki, jakija vyratavali žyćcio, pavinšavali jaje sa śviatam.
U skidalčanki Jadvihi Iosifaŭny Antanovič, jakuju ŭ BCHMD dastaviła chutkaja dapamoha, dyjahnastavali žoŭcievy pierytanit. Dla vyratavańnia žyćcia było nieabchodna ekstranaje chirurhičnaje ŭmiašańnie.
Z ulikam składanaści vypadku dziažurny chirurh Rusłan Doŭnar ekstranna vyklikaŭ zahadčyka chirurhičnaha adździaleńnia Vitala Huzienia, apieracyju śpiecyjalisty praviali ŭ tandemie.
Pry hetym, jak raspavioŭ Vital Huzień, nie prosta vydalili žoŭcievy puchir i kamiani, ale i nakłali rekanstruktyŭny chaledachaduodenaoanastamoz, sfarmavaŭšy ŭnutranaje suvuście pamiž ahulnaj žoŭcievaj pratokaj i 12-piersnaj kiškoj. U inšym vypadku žančynie daviałosia b žyć z vonkavym śviščom. Takaja apieracyja pakazana pacyjentam z žoŭciekamiennaj chvarobaj, rastłumačyŭ doktar, adnak u dadzienym vypadku jaje ryzyki istotna pavialičvali stan i ŭzrost 98-hadovaj pacyjentki.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary