Pamior akcior, jaki hraŭ deputata Vitala Naliŭkina ŭ satyryčnych skietčach
Rasijski akcior Andrej Niarecin, viadomy pa roli deputata hardumy Usuryjska Vitala Naliŭkina ŭ satyryčnym skietč-šou, pamior u śnie.
Pra heta paviedamlaje telehram-kanał Mash. Infarmacyju pra śmierć paćvierdziŭ RBK režysior skietč-šou Andrej Kłačkoŭ.
Niadaŭna 48-hadovy mužčyna pieranios insult i składanuju apieracyju pa zamienie tazaściehnavaha sustava. Mužčyna ź ciažkaściu pierasoŭvaŭsia — moh z kijem dajści tolki da kramy i nazad. Niarecin taksama pakutavaŭ ad ałkahalizmu.
Akramia drennaha samaadčuvańnia, byli i finansavyja ciažkaści. Suprać stvaralnikaŭ skietč-šou raspačali kryminalnuju spravu, jaho pierastali zdymać. Akcior zastaŭsia biez zarobku, na žyllo i pradukty pryjšłosia źbirać ŭsioj fan-bazaj.
Kryminalnuju spravu zaviali praź videa «Vital Naliŭkin praduchiliŭ terakt», apublikavanaje ŭ vieraśni 2021 hoda, u jakim fejkavy čynoŭnik vykarystoŭvaje hranatamiot, i ad strełu padaje rekłamny ščyt z baneram «Adzinaj Rasii». Stvaralnikaŭ šou Andreja Kłačkova i Siamiona Vaviłava abvinavačvajuć pa č.3 art. 213 KK RF («chulihanstva») i č. 2 art. 223.1 KK RF («niezakonny vyrab vybuchovych rečyvaŭ, niezakonnyja vyrab, pierarobka abo ramont vybuchovych pryład»).
«Jon hod nie piŭ dahetul, heta značyć prachodziŭ lačeńnie, ale paśla taho, jak daviedaŭsia, što prajekt začyniajecca, jon sarvaŭsia ad rasstrojstvaŭ i na praciahu dvuch dzion nieprabudna, uvohule, pjanstvavaŭ. Takaja asablivaść u jaho była. Za dzień da jaho skonu my jaho vyjavili doma ŭ takim stanie nie vielmi dobrym. Uvohule, vyklikali daktaroŭ, chutkuju, dastavili jaho ŭ balnicu, ale ŭ balnicy nie zmahli jaho ŭ pačućcio pryvieści, i jon pamior praz sutki ŭ balnicy. Voś hetaja navina paŭpłyvała na jaho, praz voś hetyja kryminalnyja spravy, jakija nam zaviali novyja», — raskazaŭ Kłačkoŭ pra Niarecina.
Roliki z deputatam Vitalom Naliŭkinym nabirali miljony prahladaŭ na jutubie. U skietčach, jakija vypuskalisia ŭ farmacie vypuskaŭ navin, «narodny vybrańnik» vyrašaŭ prablemy žycharoŭ Usuryjska, časam, samymi absurdnymi mietadami.
U 2023-m stvaralniki šou padtrymali vajnu.
Va Ukrainie zahinuła 24-hadovaja biełaruskaja dobraachvotnica Maryja Zajcava20
Kamientary