Žycharka Vilni nie moža narmalna karystacca bankami — jana ciozka namieśnicy dyrektara padsankcyjnaha zavoda ŭ Rahačovie
Alena Citova nie moža pieravieści hrošy znajomym, uźnikajuć prablemy i z atrymańniem zarpłaty.
Žycharka Vilni Alena Citova ŭžo praciahły čas sutykajecca z prablemami ŭ bankach. Usio tamu, što jaje poŭnaja ciozka — biełaruska Alena Citova — uvachodzić u sankcyjnyja śpisy.
Dziaŭčyna raskazvaje, što apošnija dva hady joj davodzicca litaralna dakazvać bankam, što jana inšy čałaviek, piša LRT.
«Čałaviek, jakomu ja adpraviła hrošy, paviedamiŭ mnie, što atrymaŭ na elektronnuju poštu list ad svajho banka ab tym, što hrošy jon nie atrymaje, pakolki majo imia i proźvišča mohuć supadać z sankcyjnaj asobaj», — raskazała Alena.
U liście paznačana, što kali čałaviek choča atrymać pieravod ad Aleny, jon pavinien dasłać kopiju jaje asabistaha dakumienta, paśviedčańnia abo damovy, u jakim buduć paznačany data naradžeńnia i hramadzianstva.
Dziaŭčynu turbuje, što jaje asabistyja danyja pavinien adpraŭlać inšy čałaviek: hrošy jana adpraŭlaje nie tolki rodnym i blizkim siabram.
Jašče adna prablema — atrymlivać hrošy ź inšych bankaŭ Alena taksama moža ź ciažkaściu. Praz heta ŭ jaje ŭžo ŭźnikali prablemy z atrymańniem zarobku.
«Maju vypłatu zamarozili na adzin miesiac, mnie daviałosia telefanavać na pracu i ŭ buchhałteryju i tłumačyć situacyju», — raskazała dziaŭčyna.
U banku Litvy adznačajuć, što inšaha sposabu dakazać, što čałaviek nie znachodzicca pad sankcyjami, akramia jak padać dakumient z asabistymi źviestkami, niama. A voś u tavarystvie abarony pravoŭ spažyŭcoŭ ličać situacyju nienarmalnaj i zaklikajuć banki znajści inšaje rašeńnie.
Miarkujučy pa ŭsim, havorka idzie pra namieśnicu dyrektara pa kamiercyjnych pytańniach Rahačoŭskaha zavoda «Dyjaprajektar» Alenu Citovu. Pradpryjemstva vyrablaje pryceły i sistemy naviadzieńnia dla bronietechniki, uvachodzić u abjadnańnie BiełOMA. U sankcyjnyja śpisy ZŠA «Dyjaprajektar» i jaho kiraŭnictva trapili za pracu na rasijskuju vajskovuju pramysłovaść.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary
titova