Žazep Barel viedaje, jak skončyć vajnu va Ukrainie za dva tydni. Ale heta nie jahony varyjant
Vysoki pradstaŭnik ES pa zamiežnych spravach Žazep Barel u intervju ispanskamu vydańniu 20minutos zajaviŭ, što vajna Rasii suprać Ukrainy moža skončycca ciaham dvuch tydniaŭ. Dla hetaha zachodnija krainy pavinny całkam spynić dapamohu Kijevu. Ale jon nie ličyć takoje raźviazańnie prymalnym.
«Šmat chto choča, kab vajna skončyłasia jak maha chutčej. Najpierš, sami ŭkraincy. Ale hałoŭnaje — jak. Kali my pierastaniem padtrymlivać Ukrainu, vajna skončycca praz dva tydni, i Pucin dasiahnie svaich metaŭ», — adznačyŭ jeŭračynoŭnik.
«Ale ci chočam my hetaha dla ŭkraincaŭ i dla biaśpieki samich siabie, jeŭrapiejcaŭ?» — zadaje jon adrazu pytańnie.
Na dumku Barela, Jeŭropa, naadvarot, pavinna «rabić usio mahčymaje» i praciahvać padtrymlivać Ukrainu, kab u budučyni pieramovy adbyvalisia na ŭmovach, jakija zabiaśpiečvajuć suvierenitet i terytaryjalnuju cełasnaść Ukrainy.
Dypłamat padkreśliŭ, što heta važna dla biaśpieki samoj Jeŭropy.
U kancy žniŭnia Žazep Barel aceńvaŭ vajskovuju dapamohu Kijevu z boku JEZ u 43,5 młrd jeŭra, a hramadzianskuju — u 100 młrd jeŭraŭ. Akramia taho, jon nahadaŭ, što Brusel vykarystoŭvaje dla padtrymki Kijeva zamarožanyja ŭ Jeŭropie rasijskija aktyvy.
Pry hetym Barel — adzin z tych upłyvovych palitykaŭ, jakija zaklikajuć krainy ES i ZŠA dazvolić vykarystoŭvać dalnabojnaje ŭzbrajeńnie, jakoje pastaŭlajucca Kijevu, dla ŭdaraŭ pa rasijskaj terytoryi.
Barel: Kali Rasija pieratvoryć Ukrainu ŭ druhuju Biełaruś, my zapłacim vialikuju canu
Krainy ES pačali zdymać abmiežavańni dla Ukrainy na ŭdary pa terytoryi Rasii — Barel
Łukašenka nazvaŭ Žazepa Barela durniem, jaki nie maje dačynieńnia da palityki
Pucin vyrašyŭ vieści vajnu da poŭnaj pieramohi — Barel
Ciapier čytajuć
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary