Łukašenka nazvaŭ Žazepa Barela durniem, jaki nie maje dačynieńnia da palityki
Alaksandra Łukašenku ŭ Sankt-Pieciarburhu paprasili prakamientavać słovy viarchoŭnaha pradstaŭnika Jeŭrapiejskaha sajuza pa zamiežnych spravach i palitycy biaśpieki Žazepa Barela.
«Razhaniajecca ŭžo tema, što Barel havaryŭ u Jeŭrasajuzie, što Rasija ledź nie źbirajecca napaści na NATA. Heta značyć, ciapier z Ukrainaj raźbiaromsia…» — źviarnuŭsia da Łukašenki karespandnt.
«Heta duraść. Heta čałaviek durny prosta. Jon da palityki nie maje nijakaha dačynieńnia.
Kali b jon razumny byŭ, jon padumaŭ by tak, pa-haspadarsku: nam z Rasijaj daj boh z hetymi prablemami razabracca. My što, na hetyja prablemy nasłojvać budziem novyja? Luby čałaviek tak padumaŭ by», — adkazaŭ Alaksandr Łukašenka.
Žazep Barel u intervju The Guardian zajaviŭ, što Pucin vyrašyŭ vieści vajnu da poŭnaj pieramohi i što va Ukrainie na kon pastaŭlena isnavańnie Jeŭrasajuza.
Łukašenka nie adnojčy abražaŭ publičnych asob. U sakaviku 2023 hoda prezidenta Ukrainy jon nazvaŭ hnidaju.
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary
"Hałantieriejŝik i Kardinał - eto Siła!" (S).