Paleścinskija žurnalistki atrymali premiju ŭ hadavinu napadu na Izrail. Aleksijevič padtrymała ich
«Jany nam raspaviadajuć praŭdu pra pakuty svajho naroda. Žančyny zaŭsiody abaraniajuć žyćcio, bo žyćcio prychodzić u hety śviet praz žančynu», — skazała biełaruskaja piśmieńnica Śviatłana Aleksijevič.
Arhanizacyja RAW in WAR (Reach All Women in WAR — «dapamahčy kožnaj žančynie ŭ ahni vajny») prysudziła premiju imia Hanny Palitkoŭskaj 2024 hoda paleścinskim žurnalistkam. Pra heta havorycca ŭ pres-relizie premii, piša «Novaja hazieta».
Kamitet pa naminacyjach zajaviŭ, što «hłyboka ŭzrušany samaaddanaj i rašučaj upartaściu», ź jakoj žurnalistki z Hazy «aśviatlajuć pakuty mirnych žycharoŭ i vystupajuć u abaronu čałaviečnaści na fonie hrubych parušeńniaŭ pravoŭ čałavieka i vajennych złačynstvaŭ».
«Pakul vajskoŭcy i palityki havorać movaj vajny, žančyny-žurnalistki abaraniajuć žyćcio, achviarujučy svaim ułasnym žyćciom pad abstrełami. Ratujuć samo žyćcio.
Jany nam raspaviadajuć praŭdu pra pakuty svajho naroda. Žančyny zaŭsiody abaraniajuć žyćcio, tamu što žyćcio prychodzić u hety śviet praz žančynu», — skazała piśmieńnica, łaŭreatka premii imia Palitkoŭskaj 2018 hoda, siabra kamiteta ŭ naminacyjach Śviatłana Aleksijevič.
Jak adznačajuć u arhanizacyi RAW in WAR, u vyniku napadu bajevikoŭ CHAMAS na poŭdni Izraila 7 kastryčnika 2023 hoda zahinuli 1195 čałaviek, u tym liku 36 dziaciej, jašče 251 čałaviek byŭ uziaty ŭ zakładniki. Pry hetym z-za vajennych dziejańniaŭ u adkaz CACHAŁ u Hazie zahinuła 41 tysiača čałaviek, jašče bolš za 95 tysiač atrymali ranieńni, a z 2,2-miljonnaha nasielnictva 1,9 miljona čałaviek byli vymušanyja pakinuć svaje damy.
U AAN śćviardžajuć, što izrailskaja armija nie dapuskaje žurnalistaŭ ź inšych krain na terytoryju Hazy, kali jany nie znachodziacca ŭ składzie CACHAŁ.
Prapahandysty zajavili pra razhrom sietki salidarnaści i aryšt jaje ŭdzielnikaŭ8
Kamientary
Chamaskija terarysty napali na Izrail i metanakiravana zabili bolš za 1000 mirnych žycharoŭ. Bolš za 200 uziali ŭ pałon. U adkaz Izrail raspačaŭ vajennuju kampaniju suprać TERARYSTAŬ. Chavajucca terarysty ŭ chatach ź mirnymi žycharami i nie dazvalajuć evakuacyju (parušeńnie Ženieŭskaj kanviencyi). Tamu i straty siarod mirnaha nasielnictva vysokija.
Nie treba pravodzić maralnyja ekvivalentu pa kolkaści zabitych. Izrail robić hanarovuju spravu. Chamaskija pačvary buduć źniščany.