Zamach na Benedykta XVI padčas vizytu ŭ Stambuł – tema detektyvu, što źjaviŭsia ŭ Turcyi za try miesiacy da pilihrymki Papy ŭ hetuju krainu i užo pabiŭ usie rekordy papularnaści. Pra sensacyjnuju apovieść piša italjanskaja hazeta «Il Giornale».
Zamach na Benedykta XVI padčas vizytu ŭ Stambuł – tema detektyvu, što źjaviŭsia ŭ Turcyi za try miesiacy da pilihrymki Papy ŭ hetuju krainu i užo pabiŭ usie rekordy papularnaści. Pra sensacyjnuju apovieść piša italjanskaja hazeta «Il Giornale».
Hazeta zaznačaje, što kryminalnaja apovieść «Zamach na Papu», jakaja maje ekvivalentny padzahałovak «Chto zabje Benedykta XVI u Stambule?», pakazvaje zamach na biskupa Rymu, ździejśnieny italjanskim žurnalistam u vyniku mižnarodnaj intryhi, u jakoj akazalisia zamiašanyja Opus Dei, masonstva i tureckija specsłužby.
Natchnialnikam knižnaha złačynstva źjaŭlajecca źviazany z Opus Dei kardynał, jaki choča zaniać miesca Benedykta XVI. Z druhoha boku, važnaje miesca ŭ śpisie zajmaje tureckaja raźviedka Mit, histaryčna, jak padkreślivajecca, źviazanaja z asiarodkami krajnich pravych, jakija bačać u vizycie Papy niebiaśpiečny dla ich šaniec na pajadnańnie kaściołaŭ: katalickaha i pravasłaŭnaha.
Aŭtar apovieści – Jučeł Kaja, jaki specyjalizujecca na detektyvach. Na praciahu dziesiaci dzion ad źjaŭleńnia apovieść zajmaje pieršyja miescy ŭ rejtynhu knih, što najlepiej pradajucca ŭ Turcyi.
«Heta tryvožna, kali ŭziać pad uvahu toj fakt, što nasamreč pilihrymka Papy ŭ Turcyju pačniecca ŭžo 28 listapada» – padkreślivaje hazeta, adnačasova nahadvajučy, što za apošnija miesiacy ŭ hetaj krainie adbyłosia niekalki napadaŭ na katalickich śviataroŭ. Ad ruk fanatyka zahinuŭ italjanski misijaner Andrea Santora. «Kamuści pa pračytańni apovieści Kai mahła b pryjści ŭ hałavu jakaja-niebudź dziŭnaja zaduma» – piša hazeta.
«Il Giornale» źviartaje ŭvahu na aściarožnuju reakcyju katalickaha Kaścioła ŭ Turcyi. «Heta litaraturnaja vydumka i tak my pavinny da jaje padychodzić. My zastajemsia aściarožnymi i poŭnymi viery. Turecki ŭrad robić zachady, kab vizyt Papy byŭ jak najlepiej padrychtavany» – takim čynam apostalski nuncyj u Turcyi Antonijo Lučybeła prakamentavaŭ źjaŭleńnie knižki ŭ hety asablivy čas, kali idzie padrychtoŭka da pilihrymki.
Turecki detektyŭ -- heta badaj pieršy litaraturny siužet, hierojem jakoha źjaŭlajecca Papa, jaki ŭ dadzieny momant kiruje ŭ Vatykanie, a nia postać, prydumanaja piśmieńnikam.
Pavodle Hazety Vyborčaj
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary