Замах на Бэнэдыкта XVI падчас візыту ў Стамбул – тэма дэтэктыву, што зьявіўся ў Турцыі за тры месяцы да пілігрымкі Папы ў гэтую краіну і ужо пабіў усе рэкорды папулярнасьці. Пра сэнсацыйную аповесьць піша італьянская газэта «Il Giornale».
Замах на Бэнэдыкта XVI падчас візыту ў Стамбул – тэма дэтэктыву, што зьявіўся ў Турцыі за тры месяцы да пілігрымкі Папы ў гэтую краіну і ужо пабіў усе рэкорды папулярнасьці. Пра сэнсацыйную аповесьць піша італьянская газэта «Il Giornale».
Газэта зазначае, што крымінальная аповесьць «Замах на Папу», якая мае эквівалентны падзагаловак «Хто заб’е Бэнэдыкта XVI у Стамбуле?», паказвае замах на біскупа Рыму, зьдзейсьнены італьянскім журналістам у выніку міжнароднай інтрыгі, у якой аказаліся замяшаныя Opus Dei, масонства і турэцкія спэцслужбы.
Натхняльнікам кніжнага злачынства зьяўляецца зьвязаны з Opus Dei кардынал, які хоча заняць месца Бэнэдыкта XVI. З другога боку, важнае месца ў сьпісе займае турэцкая разведка Міт, гістарычна, як падкрэсьліваецца, зьвязаная з асяродкамі крайніх правых, якія бачаць у візыце Папы небясьпечны для іх шанец на паяднаньне касьцёлаў: каталіцкага і праваслаўнага.
Аўтар аповесьці – Ючэл Кая, які спэцыялізуецца на дэтэктывах. На працягу дзесяці дзён ад зьяўленьня аповесьць займае першыя месцы ў рэйтынгу кніг, што найлепей прадаюцца ў Турцыі.
«Гэта трывожна, калі ўзяць пад увагу той факт, што насамрэч пілігрымка Папы ў Турцыю пачнецца ўжо 28 лістапада» – падкрэсьлівае газэта, адначасова нагадваючы, што за апошнія месяцы ў гэтай краіне адбылося некалькі нападаў на каталіцкіх сьвятароў. Ад рук фанатыка загінуў італьянскі місіянэр Андрэа Сантора. «Камусьці па прачытаньні аповесьці Каі магла б прыйсьці ў галаву якая-небудзь дзіўная задума» – піша газэта.
«Il Giornale» зьвяртае ўвагу на асьцярожную рэакцыю каталіцкага Касьцёла ў Турцыі. «Гэта літаратурная выдумка і так мы павінны да яе падыходзіць. Мы застаемся асьцярожнымі і поўнымі веры. Турэцкі ўрад робіць захады, каб візыт Папы быў як найлепей падрыхтаваны» – такім чынам апостальскі нунцый у Турцыі Антоніё Лючыбэла пракамэнтаваў зьяўленьне кніжкі ў гэты асаблівы час, калі ідзе падрыхтоўка да пілігрымкі.
Турэцкі дэтэктыў -- гэта бадай першы літаратурны сюжэт, героем якога зьяўляецца Папа, які ў дадзены момант кіруе ў Ватыкане, а ня постаць, прыдуманая пісьменьнікам.
Паводле Газэты Выборчай
Цяпер чытаюць
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся42
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары