«Kab śnieh roŭna loh». U Homieli pakazali pakos vosieńskaj listoty
Nie prachodzić hoda, kab u sacsietkach uvosień nie źjaviłasia videa, na jakim kamunalniki kosiać u horadzie travu, jakoj pa pryrodnych pryčynach užo zusim i niama. Voś i ciapier u tyktoku apublikavali rolik, u jakim pakazali, jak mužčyna kasiŭ hazonakasiłkaj vosieńskaje liście pobač z tratuaram u Homieli. Navošta jon heta rabiŭ, viadoma, dakładna nie viadoma. Ale kiemlivyja kamientatary vykazali svaje viersii, piša Telegraf.news.
Na videa prykmietna, jak apałyja brudnyja listočki raźlatajucca ŭ baki paśla prachodžańnia techniki.
«Praca jość praca, jamu za heta jak by i płaciać, i chaj vam zdajecca, što jon hłupstvam zaniaty», — napisaŭ adzin kamientatar.
«Raŭniaje, kab śnieh roŭna loh!» — vykazaŭ zdahadku inšy.
«Mianie hetyja kascy ŭsio leta zranku dastavali. Dyk i ŭvosień liście buduć kasić ci ŭžo adrazu ziamlu ŭzrychlać??» — pacikaviŭsia treci.
Chtości, praŭda, sprabavaŭ abaranić rabotnika:
«Čaho na rabaciahu nakinulisia? Dali zadańnie — robić. Sami, niaboś, nie spračajciesia z načalstvam, a robicie, što kažuć. Usio źvierchu idzie…»
«Kłasika. A kali daždžy pojduć, to čas łatać łužyny, u doždž ža jano lepš vidać, dzie treba», — dadaŭ jašče adzin karystalnik tyktoku.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu34
Kamientary